ନନ୍ଦିଘୋଷ ବ୍ୟୁରୋ: ଷ୍ଟକ ମାର୍କେଟରେ ଜିଓ ପ୍ଲାଟଫର୍ମସର ଲିଷ୍ଟିଂ ହୋଇଯାଇଛି । ଏହି ଅବସରରେ ସେୟାରଧାରୀଙ୍କୁ ସ୍ବତନ୍ତ୍ର ବାର୍ତ୍ତା ଦେଇ ଈଶା ଅମ୍ବାନୀ ୧୯୭୭ ଆଇପିଓକୁ ମନେ ପକାଇ ଭାବପ୍ରବଣ ହୋଇଥିଲେ । କାରଣ ଆଜି ଐତିହାସିକ ଲିଷ୍ଟିଂରେ ଜିଓ ୭୯.୮ ଲକ୍ଷ ସେୟାରଧାରୀଙ୍କ ସହିତ ଷ୍ଟକ ମାର୍କେଟରେ ପ୍ରବେଶ କରିଛି । ୧୯୭୭ରେ ଧୀରୁଭାଇ ଅମ୍ବାନୀ ରିଲାଏନ୍ସର ପ୍ରଥମ ପବ୍ଲିକ ଅଫରିଂ ମାଧ୍ୟମରେ ରିଲାଏନ୍ସକୁ ସାଧାରଣ ଭାରତୀୟଙ୍କ ପାଖରେ ପହଞ୍ଚାଇଥିଲେ । ଯାହା ୧୦ କୋଟି ଟଙ୍କାର ମୂଲ୍ୟାୟନରେ ୨.୮୨ କୋଟି ଟଙ୍କା ସଂଗ୍ରହ କରିଥିଲା ।
ପ୍ରାୟ ୫୦ ବର୍ଷ ପରେ ଜିଓ ୭୯.୮ ଲକ୍ଷ ସେୟାରଧାରୀଙ୍କ ସହିତ ଷ୍ଟକ ବଜାରରେ ପ୍ରବେଶ କରିଛି । ଏହା ଭାରତୀୟ କମ୍ପାନୀମାନଙ୍କ ମଧ୍ୟରେ ସର୍ବାଧିକ ବୋଲି ଜଣାପଡିଛି । ସେପଟେ ଜିଓ ଏହି ବର୍ଷ ପ୍ରାୟ ୧୫.୫ ବିଲିୟନ ଡଲାର ରାଜସ୍ବ ଏବଂ ପ୍ରାୟ ୮ ବିଲିୟନ ଡଲାର ଆୟ କରିଛି । ଜିଓ ପ୍ଲାଟଫର୍ମର ପରିଚାଳନା ନିର୍ଦ୍ଦେଶକ ଆକାଶ ଆମ୍ବାନୀ କମ୍ପାନୀ ୩୦ ହଜାର ୨୧୩ କୋଟି ଟଙ୍କାର ଆଇପିଓଙ୍କ ପାଇଁ ନିବେଶକଙ୍କୁ ଧନ୍ୟବାଦ ଜଣାଇଛନ୍ତି । ଗତ ୨୧ ତାରିଖରୁ ୨୩ ତାରିଖ ପର୍ଯ୍ୟନ୍ତ ନିବେଶକମାନଙ୍କ ପାଇଁ ୩୦ ହଜାର ୨୧୩ କୋଟି ଟଙ୍କା ମୂଲ୍ୟର ଏହି ଆଇପିଓ ପାଇଁ ଆବେଦନ ଖୋଲାଯାଇଥିଲା । ୨୬ ତାରିଖରେ ନିବେଶକଙ୍କୁ ସେୟାର ଆବଣ୍ଟନ କରାଯାଇଛି ।
https://x.com/TelecomTalk/status/2115327104837636255/video/1?t=27
