ନିର୍ଭୟା ଦୋଷୀଙ୍କୁ ଫାଶୀ: ଦିଲ୍ଲୀରେ ପହଞ୍ଚିଲେ ପୱନ ଜହ୍ଲାଦ

ନିର୍ଭୟା ଗଣଦୁଷ୍କର୍ମ ମାମଲାରେ ଦୋଷୀଙ୍କୁ ଫାଶୀ ଦେବା ପାଇଁ ତିହାର ପ୍ରଶାସନ ପ୍ରସ୍ତୁତି ଆରମ୍ଭ କରିଛି। ଆସନ୍ତା ମାର୍ଚ୍ଚ ୨୦ ତାରିଖରେ ନିର୍ଭାୟର ଦୋଷୀମାନଙ୍କୁ ଫାଶୀ ଦିଆଯିବ । ଯେଉଁଥିପାଇଁ ତିହାର ଜେଲ ପ୍ରଶାସନ ମିରଟ ଜେଲ କର୍ତ୍ତୃପକ୍ଷ ପୱନ ଜହ୍ଲାଦଙ୍କୁ ଡକାଇଛନ୍ତି। ଦୋଷୀ ବିନୟ, ଅକ୍ଷୟ, ପୱନ ଏବଂ ମୁକେଶଙ୍କୁ ଫାଶି ଦେବା ପାଇଁ ହ୍ୟାଙ୍ଗମ୍ୟାନ ପୱନ ଫାଶୀ ହେବାର ତାରିଖ ପୂର୍ବରୁ ଜେଲରେ ପହଞ୍ଚିଛନ୍ତି । ତାଙ୍କ ରହିବାର ବ୍ୟବସ୍ଥା ମଧ୍ୟ କରାଯାଇଛି।

ଦୁଇଥର ଫାଶୀ ତାରିଖ ଘୁଞ୍ଚିବା ପରେ ଦିଲ୍ଲୀର ପଟିଆଲା ହାଉସ କୋର୍ଟ ଆଉ ଏକ ତାରିଖ ସ୍ଥିର କରିଛନ୍ତି। ମାର୍ଚ୍ଚ ୩ ତାରିଖ ସକାଳ ୬ ଟାରେ ଦୋଷୀଙ୍କୁ ଫାଶୀ ଦେବା ପାଇଁ କୋର୍ଟ ଏକ ନୂତନ ଡେଥ୍ ୱାରେଣ୍ଟ ଜାରି କରିଛନ୍ତି। ଦୋଷୀ ମୁକେଶ କୁମାର ସିଂ , ପୱନ ଗୁପ୍ତା, ବିନୟ କୁମାର ଶର୍ମା ଏବଂ ଅକ୍ଷୟ କୁମାର କୁ ଫାଶୀ ଦେବା ପାଇଁ ଡେଥ୍ ୱାରେଣ୍ଟ ଜାରି କରାଯାଇଛି।

ପ୍ରଥମେ ଫାଶୀ ପାଇଁ ଜାନୁଆରୀ ମାସ ୨୨ତାରିଖ ସ୍ଥିର କରାଯାଇଥିଲା | କିନ୍ତୁ ଜାନୁଆରୀ ୧୭ ତାରିଖରେ କୋର୍ଟର ନିର୍ଦ୍ଦେଶ ପରେ ଏହାକୁ ଫେବୃଆରୀ ୧ ତାରିଖକୁ ଘୁଞ୍ଚାଇ ଦିଆଯାଇଥିଲା। ସୁପ୍ରିମକୋର୍ଟଙ୍କ ୨୦୧୪ ମସିହାର ରାୟ ଅନୁସାରେ, ରାଜକ୍ଷମା ଆବେଦନ ଖାରଜ ହେବା ପରେ ଜଣେ ବ୍ୟକ୍ତିଙ୍କୁ ମୃତ୍ୟୁଦଣ୍ଡ ଦିଆଯିବାର ୧୪ ଦିନ ବାଧ୍ୟତାମୂଳକ ସମୟ ଦେବାକୁ ପଡେ।

ରାଜଧାନୀ ଦିଲ୍ଲୀର ବସନ୍ତ ବିହାର ଅଞ୍ଚଳରେ ୨୦୧୨ ମସିହା ଡିସେମ୍ବର ୧୬ ତାରିଖ ରାତିରେ ଏହି କାଣ୍ଡ ଘଟିଥିଲା । ଏକ ଚଳନ୍ତା ବସରେ ଫିଜିଓଥେରାପି ଛାତ୍ରୀ ଜଣଙ୍କୁ ଗଣଦୁଷ୍କର୍ମ ପରେ ଆକ୍ରମଣ କରିଥିଲେ ୬ ଜଣ ଦୁର୍ବୃତ୍ତ । ସେହି ୬ ଜଣଙ୍କ ମଧ୍ୟରୁ ରାମ ସିଂ ଜେଲ୍‌ ଭିତରେ ଆତ୍ମହତ୍ୟା କରିଥିଲା । ଏହି ଘଟଣା ସମଗ୍ର ଦେଶକୁ ଥରାଇ ଦେଇଥିଲା।