ନନ୍ଦିଘୋଷ ବ୍ୟୁରୋ : ମାଲକାନଗିରିରେ ବନ ବିଭାଗକୁ ବଡ଼ ସଫଳତା। ଚୋରା ଚାଲାଣ ବେଳେ ଏକ ଅଟୋରିକ୍ସାରୁ ୧୫୫ଟି ଫ୍ଲାପ୍-ସେଲ୍ଡ କଇଁଛ ଜବତ କରିଛି ବନ ବିଭାଗ। ମାଲକାନଗିରି ରେଞ୍ଜ ଅଧୀନ ମାଲକାନଗିରି-୧ ବିଟ୍ର ତାମସା ଗାଁ ନିକଟରେ ଚାଲିଥିଲା ଏହି କଇଁଛ ଚୋରା ଚାଲାଣ। ବିଶ୍ୱସ୍ତ ସୂତ୍ରରୁ ସୂଚନା ପାଇ ମାଲକାନଗିରି ରେଞ୍ଜ କର୍ମଚାରୀ ଘଟଣାସ୍ଥଳରେ ଚଢ଼ାଉ କରିଥିଲେ। ଏହି ସମୟରେ ଏକ ତିନିଚକିଆ ଅଟୋରିକ୍ସାରେ ଚାଲାଣ ହେଉଥିବା ୧୫୫ଟି ଫ୍ଲାପ୍-ସେଲ୍ଡ କଇଁଛ ଜବତ କରାଯାଇଥିଲା। ତେବେ ବନ କର୍ମଚାରୀଙ୍କୁ ଦେଖି ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଥିଲା।
ଘଟଣାକୁ ନେଇ ବନ ବିଭାଗ ପକ୍ଷରୁ ମାମଲା ରୁଜୁ ହୋଇଛି। ଫେରାର ଅଭିଯୁକ୍ତକୁ ଧରିବା ସହ କଇଁଛଗୁଡ଼ିକ କେଉଁଠାରୁ ଅଣାଯାଇଥିଲା ଏବଂ କେଉଁଠାକୁ ଚାଲାଣ ହେଉଥିଲା, ସେନେଇ ତଦନ୍ତ ଜାରି ରହିଛି।
