ନନ୍ଦିଘୋଷ ବ୍ୟୁରୋ : ଯେତେ ବିରୋଧ ସେତେ ଅମାନିଆ ଇସ୍କନ । ବିଦେଶରେ ଅ-ତିଥିରେ ରଥଯାତ୍ରା ନେଇ ଗଜପତି ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଛନ୍ତି । ସେପଟେ ପୁଣି ଥରେ କାନାଡ଼ା, ଆମେରିକା, ଇଉରୋପ,ଇଂଲଣ୍ଡ, ଆଫ୍ରିକା, ଏସିଆ ଓ ଅଷ୍ଟ୍ରେଲିଆର ୧୧ଟି ସ୍ଥାନରେ ଅଦିନିଆ ରଥଯାତ୍ରା କରିଥିବା ନେଇ ଖବର ସାମ୍ନାକୁ ଆସିଛି । ଆଗକୁ ବିଭିନ୍ନ ଦେଶରେ ବର୍ଷସାରା ଅଦିନରେ ରଥଯାତ୍ରା କରିବା ନେଇ କାର୍ଯ୍ୟସୂଚୀ ଘୋଷଣା କରିଛି ଇସ୍କନ । ଇସ୍କନର ଏହି ମନମାନି ବିରୋଧରେ ସେଠାକାର ଜଗନ୍ନାଥ ପ୍ରେମୀ ହିନ୍ଦୁ ଓ ପ୍ରବାସୀ ଓଡ଼ିଆ ଲିଖିତ ପ୍ରତିବାଦ କଲେ ବି ଇସ୍କନକୁ କିଛି ଫରକ ପଡ଼ିନି । ଏପରିକି ଆହୁରି ପରମ୍ପରା ଭାଙ୍ଗିଚାଲିଛି । ଯାହାକୁ ନେଇ ଘୋର ଅସନ୍ତୋଷ ପ୍ରକାଶ କରିଛନ୍ତି ଜଗନ୍ନାଥ ପ୍ରେମୀ ।
