ନନ୍ଦିଘୋଷ ବ୍ୟୁରୋ : ରାତି ବଢିଲେ, ରାଜଧାନୀରେ ତାତି ବଢୁଛି । ପାର୍ଟି କରିବା ଆଳରେ ପ୍ରତିଦିନ ଗଣ୍ଡଗୋଳ ହେଉଛି । ଠିକ ସମାନ ଢଙ୍ଗରେ ନୟାପଲ୍ଲୀ ଅଞ୍ଚଳରେ ବିଳମ୍ବିତ ରାତିରେ ଡ୍ୟାନ୍ସ ପାର୍ଟିରେ ହୋଇଛି ତୁମୁଳକାଣ୍ଡ । ଏକ ହୋଟେଲରେ ବିଳମ୍ବିତ ରାତି ପର୍ଯ୍ୟନ୍ତ ପାର୍ଟି ଚାଲିଥିବା ବେଳେ, ନିଶାସକ୍ତ ଅବସ୍ଥାରେ ପ୍ରବଳ ଗଣ୍ଡଗୋଳ ହୋଇଛି । ୪ ଜଣ ଆହତ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି। ଘଟଣାରେ ପାଖପାଖି ୬ ଜଣଙ୍କୁ ଅଟକ ରଖିଛି ପୋଲିସ । ନିଶାସକ୍ତ ଅବସ୍ଥାରେ ହୋଟେଲରେ ଏଭଳି ତୁମୁଳକାଣ୍ଡ ଘଟିଥିବା ବେଳେ, ସିସିଟିଭି ଆଧାରରେ ଛାନବିନ ଜାରି ରଖିଛି ପୋଲିସ।
