ଉମରକୋଟ : ନିଟ୍ ପ୍ରଶ୍ନ ଲିକ୍ ଓ ଓଡ଼ିଶାର ତ୍ରୁଟିପୂର୍ଣ୍ଣ ବହି ପ୍ରତିବାଦରେ ବିଜେଡିର ବିରାଟ ବିକ୍ଷୋଭ। ଶିକ୍ଷାମନ୍ତ୍ରୀଙ୍କ ଇସ୍ତଫା ଦାବିରେ ଉମରକୋଟରେ ବଡ଼ ଶୋଭାଯାତ୍ର। ବିଜେଡି ପକ୍ଷରୁ ଏକ ବିରାଟ ଶୋଭାଯାତ୍ରା ନୂତନ ବସ ଷ୍ଟାଣ୍ଡଠାରୁ ବାହାରି ପୁରୁଣାବସଷ୍ଟାଣ୍ଡରେ ପହଞ୍ଚିଥିଲା। କେନ୍ଦ୍ର ଓ ରାଜ୍ୟ ସରକାରଙ୍କ ବିଫଳତା ବିରୋଧରେ ସ୍ଲୋଗାନ ଦେଇଥିଲେ ବିଜେଡି କର୍ମୀ। ଶିକ୍ଷାମନ୍ତ୍ରୀ ଇସ୍ତଫା ନ ଦେଲେ ତାଙ୍କୁ ଘରୁ ବାହାରିବାକୁ ଦିଆ ଯିବନାହିଁ ବୋଲି କହିଛି ଛାତ୍ର ବିଜେଡି। ଲକ୍ଷ ଲକ୍ଷ ପିଲାଙ୍କ ଭବିଷ୍ୟତ ସହ ଖେଳୁଛନ୍ତି ଶିକ୍ଷାମନ୍ତ୍ରୀ । ତୁରନ୍ତ ଇସ୍ତଫା ନ ଦେଲେ ଜିଲ୍ଲାବ୍ୟାପୀ ଆନ୍ଦୋଳନ କରାଯିବ ବୋଲି କହିଛନ୍ତି ରାଇଘର ବ୍ଲକ୍ ଅଧ୍ୟକ୍ଷ ଗୁପ୍ତ ପ୍ରସାଦ ଝାଙ୍କର । ବରିଷ୍ଠ ବିଜେଡି ନେତା ପ୍ରଦୀପ ମାଝୀ କହିଛନ୍ତି, ନିଟ ପରୀକ୍ଷା ପତ୍ର ଲିକ୍ ଓ ପ୍ରଥମରୁ ଅଷ୍ଟମ ଶ୍ରେଣୀର ପୁସ୍ତକରେ ତ୍ରୁଟି କରି ପିଲାଙ୍କ ଭବିଷ୍ୟତ ସହିତ ଖେଳ ଖେଳାଯାଉଛି। ପୁସ୍ତକର ମୁଦ୍ରଣ ଦାୟିତ୍ଵ ଗୁଜରାଟର ଏକ ପ୍ରେସକୁ ଦିଆଯାଇଥିବାର ଅଭିଯୋଗ କରି ଏଥିରେ କୋଟି କୋଟି ଟଙ୍କାର କାରବାର ହୋଇଥିବା କୁହାଯାଇଛି।
