ଯାଜପୁର: ପିଲାଙ୍କ ବହି ପରେ ଏବେ ସରକାରୀ ହୁଡିଂରେ ସାଙ୍ଘାତିକ ଭୁଲ୍ ଦେଖିବାକୁ ମିଳିଛି। ଯାଜପୁର ଜିଲ୍ଲା ବିଞ୍ଝାରପୁର ବ୍ଲକ ପ୍ରଶାସନ ପକ୍ଷରୁ ଆୟୋଜିତ ବିଜେପି ସରକାରଙ୍କ ଦୁଇ ବର୍ଷ ପୂର୍ତ୍ତି କାର୍ଯ୍ୟକ୍ରମରେ ଏଭଳି ଅଭାବନୀୟ ଚିତ୍ର ସାମ୍ନାକୁ ଆସିଛି।
ହୁଡିଂ ଓ ବ୍ୟାନରରେ ଥିବା ପ୍ରମୁଖ ଭୁଲଗୁଡ଼ିକ:
. “ମୋହନ ମାଝୀ”ଙ୍କ ବଦଳରେ ଲେଖାଯାଇଛି “ମହୋନ ମାଝୀ”।
. “ମାନ୍ୟବର” ବଦଳରେ “ମନ୍ୟବର” ବୋଲି ଲେଖାଯାଇଛି।
. “ପ୍ରଦର୍ଶନୀ” ବଦଳରେ “ପରଦର୍ଶନୀ” ଲେଖାଯାଇଥିବା ଦେଖିବାକୁ ମିଳିଛି।
କାର୍ଯ୍ୟକ୍ରମରେ ବିଡିଓ (BDO) ଏବଂ ତହସିଲଦାରଙ୍କ ଭଳି ଦୁଇ ଦୁଇ ଜଣ ଉଚ୍ଚପଦସ୍ଥ OAS ଅଧିକାରୀ ଉପସ୍ଥିତ ଥିଲେ ସୁଦ୍ଧା, ସେମାନଙ୍କ ନଜରକୁ ଏହି ସବୁ ସାଙ୍ଘାତିକ ଭୁଲ୍ କେମିତି ଆସିଲା ନାହିଁ, ତାହାକୁ ନେଇ ଏବେ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି।
ଏହି ଘଟଣାକୁ ନେଇ ସରକାରଙ୍କ ଉପରେ ବର୍ଷିଛନ୍ତି ବିଞ୍ଝାରପୁର ପଞ୍ଚାୟତ ସମିତି ଅଧ୍ୟକ୍ଷା ରଂଜିତା କୁମାରୀ ଦାସ। ଅନ୍ୟପଟେ ବିଞ୍ଝାରପୁର ବିଡିଓ ଏହି ବଡ଼ ଭୁଲକୁ ସ୍ୱୀକାର କରିଛନ୍ତି।
