ଜୟପୁର : ପରିବେଶକୁ ସନ୍ତୁଳନ କରେ ଗଛ । କିନ୍ତୁ ପରିବେଶ ଅସନ୍ତୁଳନ ଓ ଲୋକଙ୍କ ଜୀବନଶୈଳୀରେ ପରିବର୍ତ୍ତନ ଯୋଗୁଁ ଅନେକ ଗଛ ଏବେ ବିଲୁପ୍ତ ପ୍ରାୟ । ଏସବୁକୁ ସଂରକ୍ଷଣ କରିବାରେ ପ୍ରମୁଖ ଭୂମିକା ନେଇଛି ଜୟପୁର ଏମ.ଏସ ସ୍ୱାମୀନାଥନ କୃଷି ଗବେଷଣା କେନ୍ଦ୍ର । କେବଳ ଧାନ, ମାଣ୍ଡିଆ କି ଅନ୍ୟ ଶସ୍ୟ ନୁହେଁ ବିଲୁପ୍ତ ପ୍ରାୟ ଔଷଧୀୟ ଗଛର ବିହନକୁ ମଧ୍ୟ ଏଠାରେ ସଂରକ୍ଷଣ କରାଯାଉଛି । ବିଶ୍ବ ପରିବେଶ ଦିବସ ଅବସରରେ କୃଷି ଗବେଷଣା କେନ୍ଦ୍ର ପକ୍ଷରୁ ଲୁପ୍ତ ପ୍ରାୟ ଶରେ ପ୍ରକାର ଦେଶୀ ଗୁଣାତ୍ମକ ଧାନ ବିହନ ଓ ୪୦ ପ୍ରକାର ଦେଶୀ ମାଣ୍ଡିଆ ବିହନ ପ୍ରଦର୍ଶନ କରିବା ସହ ଚାଷୀଙ୍କୁ ପ୍ରଦାନ କରାଯାଇଛି । ଜଙ୍ଗଲରେ ଅଶୋକ ଗଛ, ଅର୍ଜୁନ ଗଛ, ନିମ୍ବ ଗଛ ଭଳି ଔଷଧୀୟ ଗଛ ଲଗାଇବାକୁ ଚାଷୀଙ୍କୁ ସଚେତନ କରାଯାଇଛି ।
ଜନସଂଖ୍ୟା ଦିନକୁ ଦିନ ଦୃତ ଗତିରେ ବଢୁଥିବାରୁ ବର୍ତ୍ତମାନ ହାଇବ୍ରିଡ ଧାନ ବିହନର ଚାହିଦା ଅଧିକ ଦେଖିବାକୁ ମିଳୁଛି । ଏହାଦ୍ବାରା ବିଗୁଡୁଛି ପରିବେଶ, ବଢୁଛି ରୋଗ ପ୍ରତିରୋଧକ କ୍ଷମତା । ତେଣୁ ଏହି ପ୍ରଦର୍ଶନୀ ଅବସରରେ ଗାଁ ଗହଳିର ଚାଷୀ ମାନେ ସେମାନଙ୍କ ସଂରକ୍ଷଣ କରିଥିବା ଦେଶୀ ବିହନକୁ ଅନ୍ୟ ଚାଷୀଙ୍କ ସହ ଆଦାନ ପ୍ରଦାନ କରିଛନ୍ତି । ଏହାଦ୍ବାରା ପରିବେଶ ସନ୍ତୁଳନ ରହିବା ସହ କମ୍ ବର୍ଷା ଓ ଜୈବିକ ସାର ମାଧ୍ୟମରେ ଅଧିକ ଅମଳ ହୋଇ ପାରିବ ବୋଲି କହିଛନ୍ତି ଚାଷୀ । ପରିବେଶକୁ ସନ୍ତଳନ କରିବାକୁ ହେଲେ ପୁରୁଣା ପଦ୍ଦତି ରେ ପୁରୁଣା ବିହନ ଓ ଔଷଧିୟ ଗଛର ବିହନକୁ ବ୍ୟବହାର କରିବାକୁ ପରାମର୍ଶ ଦିଆଯାଇଛି ।…
