ଶପଥ ନେଉ ନେଉ ସଙ୍କଟ। କର୍ଣ୍ଣାଟକ ମନ୍ତ୍ରିମଣ୍ଡଳରେ ଅସନ୍ତୋଷର କଳାବାଦଲ। ମନ୍ତ୍ରୀପଦରୁ ଇସ୍ତଫା ଦେଲେ ବୃହତ ଓ ମଧ୍ୟମ ଜଳସେଚନ ବିଭାଗ ମନ୍ତ୍ରୀ ରାମଲିଙ୍ଗା ରେଡ୍ଡୀ ସେ ହାଇପ୍ରୋଫାଇଲ ବେଙ୍ଗାଳୁରୁ ବିକାଶ ବିଭାଗ ଚାହୁଁଥିଲେ ବି ଏହି ବିଭାଗ କ୍ରିଷ୍ଣା ବାଇରେ ଗୌଡାଙ୍କୁ ଦିଆଯିବାରୁ ସେ ହୋଇଥିଲେ କ୍ଷୁବ୍ଧ। ୮ ଥରର ବିଧାୟକ ରାମଲିଙ୍ଗା ଶପଥ ଗ୍ରହଣ ଦିନଠାରୁ ଅସନ୍ତୁଷ୍ଟ ଥିଲେ। ମୁଖ୍ୟମନ୍ତ୍ରୀ ଡି.କେ. ଶିବକୁୁମାର ଅର୍ଥ ବିଭାଗ ନିଜ ହାତରେ ରଖିଥିବାବେଳେ ବେଙ୍ଗାଳୁରୁ ବିକାଶ ବିଭାଗ କ୍ରିଷ୍ଣାଙ୍କୁ ଦେଇଥିଲେ। ଯାହା ରାମଲିଙ୍ଗାଙ୍କ ଲାଗି ଅସନ୍ତୋଷର କାରଣ ଥିଲା। ଅସନ୍ତୁଷ୍ଟ ରାମଲିଙ୍ଗା ଏକ ଗୁରୁତ୍ବପୂର୍ଣ୍ଣ ବିଭାଗ ମାଗୁଥିଲେ ବୋଲି ସୂଚନା ମିଳିଛି। ପୂର୍ବରୁ ରାମଲିଙ୍ଗା ଥିଲେ ପରିବହନ, ଓ ହିନ୍ଦୁ ଧାର୍ମିକ ଦେବୋତ୍ତର ବିଭାଗ ମନ୍ତ୍ରୀ ଥିଲେ। ଅତୀତରେ ସେ ଗୃହମନ୍ତ୍ରୀ ବି ଥିଲେ।
