ରାୟଗଡା : ପାଣି ପାଇଁ ରାସ୍ତାରୋକ । ରାସ୍ତା ଉପରେ ଗରା ଓ ବାଲଟି ରଖି ବିକ୍ଷୋଭ କରୁଛନ୍ତି ଶତାଧିକ ମହିଳା ଓ ପୁରୁଷ । ରାୟଗଡା ସଦର ବ୍ଲକ କୁମ୍ବିକୋଟା ଗାଁରେ ଦେଖିବାକୁ ମିଳିଛି ଏଭଳି ଘଟଣା । ରାସ୍ତାରୋକ ଫଳରେ କୋରାପୁଟରୁ ରାୟଗଡା ପର୍ଯ୍ଯନ୍ତ ଯାନବାହନ ଚଳାଚଳ ସଂପୂର୍ଣ୍ଣ ଠପ୍ ହୋଇଯାଇଛି । ଉଭୟ ପଟରେ ଶହ ଶହ ଗାଡ଼ି ଅଟକି ରହିଛି । ଘଟଣାସ୍ଥଳରେ ଲୋକଙ୍କୁ ବୁଝାସୁଝା କରୁଛନ୍ତି ସଦର ବିଡ଼ିଓ ଓ ତହସିଲଦାର । ଜିଦରେ ଅଟଳ ରହିଛନ୍ତି ଆନ୍ଦୋଳନକାରୀ । କୁମ୍ବିକୋଟା ଗ୍ରାମରେ ପ୍ରାୟ ୧ ହଜାର ଲୋକେ ବସବାସ କରୁଥିବା ବେଳେ ଗାଁରେ ୫ଟି ନଳକୂପ ରହିଛି । ହେଲେ ଅଧିକାଂଶ ନଳକୂପ ଅଚଳ ହୋଇପଡିବାରୁ ଲୋକେ ପାଣି ପାଇଁ ହୀନସ୍ତା ଭୋଗୁଛନ୍ତି । ଏନେଇ ବାରମ୍ବାର ପ୍ରଶାସନକୁ ଜଣାଇ ନିରାଶ ହେବା ପରେ ଆଜି ଗ୍ରାମବାସୀ ରାସ୍ତାରୋକ କରିଛନ୍ତି ।
