ନନ୍ଦିଘୋଷ ବ୍ୟୁରୋ : ବହୁଚର୍ଚ୍ଚିତ ତ୍ବିଷା ଶର୍ମା ମୃତ୍ୟୁ ମାମଲା। ଭୋପାଳସ୍ଥିତ ଗିରିବାଳା ସିଂଙ୍କ ଘରେ ସିବିଆଇ ଟିମର ଛାନବିନ। ସ୍ବାମୀ ସମର୍ଥ ସିଂଙ୍କୁ କରାଯାଇଥିବା ଜେରା ଅନୁସାରେ ବିଭିନ୍ନ ତଥ୍ୟ ସଂଗ୍ରହ କରୁଛି ସିବିଆଇ। ତ୍ବିଷାଙ୍କ ମୃତ୍ୟୁ ପରେ ୨ ଦିନ ଧରି ଭୋପାଳରେ ରହିଥିଲେ ସ୍ବାମୀ ସମର୍ଥ। ଏହା ପରେ ସେ ଜବଲପୁର ଯାଇ ସେଠାରେ ଏକ କୋର୍ଟରେ ଆତ୍ମସମର୍ପଣ କରିଥିଲେ। ଏହି କ୍ଷେତ୍ରରେ ସମର୍ଥଙ୍କୁ କେଉଁମାନେ ସହଯୋଗ କରିଥିଲେ ତାହାର ଖୋଳତାଡ଼ କରୁଛି ସିବିଆଇ। ଭୋପାଳ ଓ ଜବଲପୁରରେ ସମର୍ଥଙ୍କୁ କେଉଁମାନେ ସହଯୋଗ କରୁଥିଲେ ସେ ସମ୍ପର୍କରେ ଯାଞ୍ଚ କରୁଛି ସିବିଆଇ। ଏହି ଘଟଣା ସହ ସମ୍ପୃକ୍ତ ଥିବା କିଛି ଡାକ୍ତରଙ୍କୁ ସିବିଆଇ ଜେରା କରିବ ବୋଲି ସୂଚନା ମିଳିଛି। ତ୍ବିଷା ଡ୍ରଗ୍ସ ଖାଉଥିଲେ ବୋଲି ଗିରିବାଳା ଯେଉଁ ଅଭିଯୋଗ କରୁଥିଲେ ସେ ସମ୍ପର୍କରେ ବି ସିବିଆଇ ଟିମ୍ ଯାଞ୍ଚ କରୁଛି। ସେହିପରି ତ୍ବିଷାଙ୍କ ଗର୍ଭପାତ ସମ୍ପର୍କରେ ବି ପରିବାର ଲୋକଙ୍କୁ ଜେରା କରୁଛି ସିବିଆଇ। ଏହି ଘଟଣାରେ ଗତ ମେ ୨୮ ତାରିଖରେ ଗିରିବାଳା ସିଂଙ୍କୁ ଗିରଫ କରିଥିଲା ସିବିଆଇ।
