ଆସିକା : ଆଖୁଚାଷୀଙ୍କୁ ସରକାରଙ୍କ ଅଣଦେଖା । ମିଳୁନି ସରକାରୀ ପ୍ରୋତ୍ସାହନ । ଚାଷରୁ ଉଠୁନି ଖର୍ଚ୍ଚପାଣି । ଗଞ୍ଜାମ ଜିଲ୍ଲାର ବିଭିନ୍ନ ଅଞ୍ଚଳରେ ଦିନକୁ ଦିନ ଆଖୁ ଚାଷ କମିବାରେ ଲାଗିଛି । ଚାଷରୁ ମୁହଁ ଫେରାଇଲେ ଚାଷୀ । ନଜର ପକାନ୍ତୁ ଏହି ତଥ୍ୟ ଉପରେ ୨୦୨୪-୨୫ ଆର୍ଥିକ ବର୍ଷରେ ଜିଲ୍ଲାର ୧୪୫୬ ଜଣ ଚାଷୀ ଆଖୁ ଚାଷ ପାଇଁ ପଞ୍ଜୀକରଣ କରିଥିଲେ । ଯାହା ୨୦୨୫-୨୬ ଆର୍ଥିକ ବର୍ଷରେ ୮୬୬କୁ କମି ଆସିଛି । ଯାହାର ସିଧାସଳଖ ପ୍ରଭାବରେ ଆସିକା ଚିନି ଶିଳ୍ପ ଉପରେ ପଡୁଛି ।…
୧୯୬୦ ମସିହାରେ ଆସିକାରେ ପ୍ରତିଷ୍ଠା ହୋଇଥିଲା ଚିନି ଶିଳ୍ପ । ୧୬ ଗୋଟି ବ୍ଲକର ଆଖୁ ଚାଷକୁ ନିର୍ଭର କରି ଗଢି ଉଠିଥିବା ଶିଳ୍ପରୁ ଏକଦା ଚିନି, ଗୁଡ, ନବାତ ଓ ଆଲକହଲ ଉତ୍ପାଦନ ହେଉଥିଲା । ଚିନି ଶିଳ୍ପ ପାଇଁ ଆସିକା ସମଗ୍ର ଏସିଆ ମହାଦେଶରେ ସ୍ଵତନ୍ତ୍ର ପରିଚୟ ପାଇଥିଲା । ହେଲେ ଏବେ ସେହି ଶିଳ୍ପ ଆବଶ୍ୟକୀୟ କଞ୍ଚାମାଲ ପାଇପାରୁନାହିଁ । ଫଳରେ ବର୍ଷକୁ ୬ ମାସ ଆଖୁ ପେଡୁଥିବା ଶିଳ୍ପ ଏବେ ମାତ୍ର ଏକ ମାସ ଚାଲିବ ବୋଲି ଚିନିକଳ କର୍ତ୍ତୃପକ୍ଷ କହିଛନ୍ତି । ଅନ୍ୟପଟେ ଧାନର MSP ମୂଲ୍ୟ ବୃଦ୍ଧି ପାଇବାରୁ ଚାଷୀ ଆଖୁ ଚାଷ ଛାଡି ଏବେ ଧାନ ଚାଷ କରିବାରୁ ସଂଖ୍ୟା କମୁଛି ବୋଲି ମତ ପାଇଛି ।
ଆଖୁଚାଷୀଙ୍କୁ ସରକାରଙ୍କ ଅଣଦେଖା, ମିଳୁନି ସରକାରୀ ପ୍ରୋତ୍ସାହନ
