କରୋନାରୁ ବର୍ତ୍ତିବା ପାଇଁ କଣ ସବୁ କରିବେ ?
1 min read
ଭୁବନେଶ୍ୱର: ବିଶ୍ୱରେ ଆତଙ୍କ ଖେଳାଇଛି କରୋନା । ସମସ୍ତେ କରୋନାରୁ କେମିତି ବର୍ତ୍ତିବେ ସେ ଚିନ୍ତାରେ । ତେବେ, ଆପଣଙ୍କ ଦୈନନ୍ଦିନ ଜୀବନରେ କରୁଥିବା କାର୍ଯ୍ୟଶୈଳୀରେ ସାମାନ୍ୟ ପରିବର୍ତ୍ତନ ଆପଣଙ୍କୁ ଏହି ମହାମାରୀ ଠାରୁ ରକ୍ଷା କରିପାରିବ । ଆସନ୍ତୁ ଜାଣିବା କେଉଁ ସବୁ ଅଭ୍ୟାସ କଲେ ପାଖ ମାଡ଼ିବନି କରୋନା ।
୧) ନିୟମିତ ବ୍ୟବଧାନରେ ହାତକୁ ସାନିଟାଇଜରରେ ଧୁଅନ୍ତୁ । କାଶିବା, ଛିଙ୍କିବା ବେଳେ ଟିସ୍ୟୁ ପେପର ବ୍ୟବହାର କରନ୍ତୁ । ନାକ, ଆଖି ଓ ପାଟିକୁ ଅଯଥା ଛୁଅନ୍ତୁ ନାହିଁ ।
୨) ଖାଇବା, ପିଇବା ପୂର୍ବରୁ ହାତକୁ ସାବୁନ, ଗରମ ପାଣି କିମ୍ବା ସାନିଟାଇଜରରେ ୨୦ ସେକେଣ୍ଡ ପାଇଁ ସଫା କରନ୍ତୁ ।
୩) ବିଶେଷକରି ଜନଗହଳିପୂର୍ଣ୍ଣ ସ୍ଥାନକୁ ଅନାବଶ୍ୟକ ଥିଲେ ଯାଆନ୍ତୁ ନାହିଁ । କାଶିବା, ଛିଙ୍କିବା ବେଳେ ଟିସ୍ୟୁ ପେପର ବ୍ୟବହାର କରନ୍ତୁ ।
୪) ଟିସ୍ୟୁ ପେପର ନଥିଲେ ସାର୍ଟର ଆସ୍ତିନକୁ ବ୍ୟବହାର କରନ୍ତୁ ।
୫) କାଶିବା, ଛିଙ୍କିବା ପରେ ନାକ, ଆଖି ଓ ପାଟିକୁ ଛୁଅଁନ୍ତୁ ନାହିଁ । ଅନ୍ୟ କୌଣସି ବ୍ୟକ୍ତିଙ୍କୁ ମଧ୍ୟ ସ୍ପର୍ଶ କରିବାକୁ ବାରଣ କରନ୍ତୁ ।
୬) ଅସୁସ୍ଥ ଥିବା ବ୍ୟକ୍ତିଙ୍କଠାରୁ ଯଥା ସମ୍ଭବ ଦୂରେଇ ରୁହନ୍ତୁ ।
୭) କରୋନାର ଲକ୍ଷଣ- ଜ୍ୱର ଓ ହାଲିଆ ଲାଗିବା, କାଶ, ନିଶ୍ୱାସ ନେବାରେ କଷ୍ଟ ଅନୁଭବ, ମାଂସପେଶୀରେ ଯନ୍ତ୍ରଣା କରୋନାରେ ଲକ୍ଷଣ ହୋଇପାରେ ।
