୧୭୮୧ ଶିକ୍ଷକଙ୍କୁ ନିଯୁକ୍ତି, ୩୦ ଜିଲ୍ଲାରେ ଖାଲି ପଦବୀ ପୂରଣକୁ ପ୍ରାଥମିକତା

ଭୁବନେଶ୍ୱର: ୧୭୮୧ଜଣ ଶିକ୍ଷକଙ୍କୁ ନୂଆ ନିଯୁକ୍ତି । ଜୟଦେବ ଭବନରେ ନବ ନିଯୁକ୍ତ ଶିକ୍ଷକଙ୍କୁ ବଣ୍ଟା ହେଲା ନିଯୁକ୍ତି ପତ୍ର । ନିଯୁକ୍ତି ପତ୍ର ବଣ୍ଟନ କଲେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାସ । ନବ ନିଯୁକ୍ତ ଶିକ୍ଷକମାନଙ୍କୁ କଟକ,ପୁରୀ ଓ ଖୋର୍ଦ୍ଧା ଜିଲ୍ଲାରେ ନିଯୁକ୍ତି ଦିଆଯାଇଛି ।

କଟକ,ପୁରୀ ଓ ଖୋର୍ଦ୍ଧା ଜିଲ୍ଲାରେ ନିୟୋଜିତ ହୋଇଥିବା ଶିକ୍ଷକଙ୍କୁ ଏହି କାର୍ଯ୍ୟକ୍ରମରେ ନିଯୁକ୍ତି ପତ୍ର ବଣ୍ଟନ କରାଯାଇଥିବା ବେଳେ ଅନ୍ୟ ଶିକ୍ଷକମାନଙ୍କୁ ଜିଲ୍ଲାସ୍ତରରେ ବଣ୍ଟନ କରାଯିବାର ବ୍ୟବସ୍ଥା କରାଯାଇଛି । ସମସ୍ତ ୩୦ ଜିଲ୍ଲାରେ ଉନ୍ନିତ ଉଚ୍ଚ ବିଦ୍ୟାଳୟରେ ଖାଲି ଥିବା ପଦବୀ ଗୁଡିକୁ ପ୍ରାଥମିକତା ଭିତ୍ତିରେ ପୂରଣ କରିବାକୁ ନିର୍ଦ୍ଦେଶ ଦିଆଯାଇଛି । ଏହି ନିଯୁକ୍ତି ପରେ ରାଜ୍ୟରେ ଥିବା ଶିକ୍ଷକ ଅଭାବ ଜନିତ ସମସ୍ୟାର ସମାଧାନ ଦିଗରେ ବେଶ ସହାୟକ ହେବ ବୋଲି ମନ୍ତ୍ରୀ ସୁଚନା ଦେଇ କହିଛନ୍ତି ।