ନନ୍ଦିଘୋଷ ବ୍ୟୁରୋ : ଦିଲ୍ଲୀରେ ବଢୁଛି ଏକ୍ୟୁଆଇ ବିପଦ। ଦିନକୁ ଦିନ ସ୍ଥିତି ହେଉଛି ସଂଗୀନ। ପ୍ରବଳ ଶୀତରେ ଦିଲ୍ଲୀ ଥରୁଥିବାବେଳେ ବାୟୁ ଗୁଣବତ୍ତା ବି ଅଧିକ ଚିନ୍ତାଜନକ ହୋଇଛି। ସେପଟେ ଘନ କୁହୁଡ଼ି ଯୋଗୁ ସ୍ଥିତି ଅଧିକ ଦୟନୀୟ ହୋଇଛି। ଗତକାଲି ଦିଲ୍ଲୀ ବିମାନବନ୍ଦରରେ ୧୨୯ଟି ବିମାନ ବାତିଲ ହୋଇଥିବାବେଳେ ଆଜି ବି ସ୍ଥିତି ସେପରି ହେବା ଆଶଙ୍କା କରାଯାଉଛି। ଗତକାଲି ସଫଦରଜଙ୍ଗରେ ସର୍ବାଧିକ ତାପମାତ୍ରା ୧୬.୯ ଡିଗ୍ରୀ ସେଲସିୟସ୍ ରେକର୍ଡ କରାଯାଇଥିବା ବେଳେ ପାଲମରେ ୧୬.୩ ଡିଗ୍ରୀ ସେଲସିୟସ୍ ରେକର୍ଡ କରାଯାଇଛି। ଆଜି ଘନରୁ ଅତି ଘନ କୁହୁଡ଼ି ରହିବ ବୋଲି ଆଇଏମଡି ପୂର୍ବାନୁମାନ କରିଛି ଏବଂ ଏନେଇ ଅରେଞ୍ଜ ଆଲର୍ଟ ଜାରି କରିଛି।.
