ଆଉ ଦିନକ ପରେ ମହିଳା ଟି-୨୦ କ୍ରିକେଟର ଫାଇନାଲ ମ୍ୟାଚ, ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ

ଅଷ୍ଟ୍ରେଲିଆ: ଆଉ ଦିନକ ପରେ ମହିଳା ଟି-୨୦ କ୍ରିକେଟର ଫାଇନାଲ ମ୍ୟାଚ । ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ । ଅଷ୍ଟ୍ରେଲିଆ-ସାଉଥ ଆଫ୍ରିକାକୁ ହରାଇ ଫାଇନାଲରେ ପ୍ରବେଶ କରିଥିବା ବେଳେ ଭାରତ ପୂର୍ବରୁ ଫାଇନାଲରେ ସ୍ଥାନ ପାଇ ସାରିଛି । ବର୍ଷା କାରଣରୁ ଇଂଲଣ୍ଡ ସହ ମ୍ୟାଚ ବାତିଲ ହେବା ପରେ ପଏଣ୍ଟ ଅଧିକ ଦୃଷ୍ଟିରୁ ଫାଇନାଲକୁ ଯାଇଛି ଭାରତ ।

ପୂର୍ବରୁ ଭାରତ କେବେବି ଫାଇନାଲରେ ପହଁଚି ପାରିନଥିଲା । ସେପଟେ ଲଗାତାର ଚାମ୍ପିଆନ ଅଷ୍ଟ୍ରେଲିଆକୁ ଭେଟିବ ଦଳ । ଏଥିପାଇଁ ଦଳକୁ ସତର୍କତାର ସହ ଖେଳିବାକୁ ପଡ଼ିବ । ଭାରତ ଫାଇନାଲ ପାଇଁ ପ୍ରସ୍ତୁତ ଥିବା କହିଛନ୍ତି ଅଧିନାୟକ ହରମନପ୍ରିତ କୈାର । ଭାରତ ପ୍ରଥମ ଥର ଫାଇନାଲକୁ ଯାଇଥିବାରୁ ଚାରିଆଡୁ ଶୁଭେଚ୍ଛାର ସୁଅ ଛୁଟିଛି । ଆସନ୍ତା ରବିବାର ସିଡନି ମ୍ୟାଚ ଅନୁଷ୍ଠିତ ହେବ ।