ନନ୍ଦିଘୋଷ ବ୍ୟୁରୋ : ଭାରତ-ଦକ୍ଷିଣ ଆଫ୍ରିକା ଟେଷ୍ଟ ସିରିଜ୍। ରୋମାଞ୍ଚକର ସ୍ଥିତିରେ କୋଲକାତା ଟେଷ୍ଟ॥ ତୃତୀୟ ଦିନରେ ଭାରତ ଆଗରେ ଟେଷ୍ଟ ଜିତିବାକୁ ୧୨୪ ରନର ଟାର୍ଗେଟ। ଇଡେନ ଟେଷ୍ଟ କ୍ରିକେଟ ପିଚରେ ଗୋଟିଏ ପରେ ଗୋଟିଏ ୱିକେଟ ଖସିବାରେ ଲାଗିଛି। ଟାର୍ଗେଟ ନେଇ ଭାରତ ବ୍ୟାଟିଂ ଆରମ୍ଭ କରିଥିବାବେଳେ ପ୍ରଥମେ ଟିମର ସ୍କୋର ଶୂନ ଥିବାବେଳେ ଖସିଥିଲା ପ୍ରଥମ ୱିକେଟ। ଡକ୍ ଆଉଟ ହୋଇଥିଲେ ଯଶସ୍ଵୀ ଜୟସ୍ଵାଲ। ଟିମର ସ୍କୋର ୧ ଥିବାବେଳେ ଖସିଥିଲା କେଏଲ ରାହୁଲଙ୍କ ୱିକେଟ। ଗୋଟିଏ ରନରେ ଖସିଥିଲା ଭାରତର ଦୁଇଟି ମୂଲ୍ୟବାନ ୱିକେଟ। କେଏଲ ରାହୁଲ ୧ ରନ କରି ପାଭିଲିୟନ ଫେରିଥିଲେ। ମାର୍କୋ ଜନସେନଙ୍କ ବଲରେ କ୍ୟାଚ୍ ଆଉଟ ହୋଇଥିଲେ ଦୁଇ ଖେଳାଳି। ଏବେ କ୍ରିଜରେ ୱାସିଂଟନ ସୁନ୍ଦର ଓ ଧ୍ରୁବ ଜୁରେଲ ବ୍ୟାଟିଂ ଜାରି ରଖିଛନ୍ତି।..କୋଲକାତା ଟେଷ୍ଟରେ ଟସ ଜିତି ପ୍ରଥମେ ବ୍ୟାଟିଂ କରି ପ୍ରଥମ ଇନିଂସରେ ଦକ୍ଷିଣ ଆଫ୍ରିକା ୧୫୯ ରନ କରିଥିଲା। ଜବାବରେ ଭାରତ ତାର ପ୍ରଥମ ଇନିଂସରେ ୧୮୯ ରନ କରି ଅଲଆଉଟ ହୋଇଥିଲା। ଏହାପରେ ଦକ୍ଷିଣ ଆଫ୍ରିକା ଦ୍ଵିତୀୟ ଇନିଂସରେ ମାତ୍ର ୧୫୩ ରନରେ ଅଲଆଉଟ ହୋଇଯାଇଛି। ଦକ୍ଷିଣ ଆଫ୍ରିକା ଦେଇଥିବା ୧୨୪ ରନର ଟାର୍ଗେଟକୁ ପିଛା କରୁଛି ଭାରତ। ଗତକାଲି ଦ୍ଵିତୀୟ ଦିନରେ ୧୬ଟି ୱିକେଟ ପଡିଥିଲା। ପ୍ରଥମ ଦିନରେ ଇଡେନରେ ୧୧ଟି ୱିକେଟ ଯାଇଥିଲା। ପ୍ରଥମ ଇନିଂସ ବୋଲିଂରେ ଭାରତର ପେସର ଯଶପ୍ରୀତ ବୁମରାଙ୍କୁ ସର୍ବାଧିକ ୫ ୱିକେଟ ମିଲିଥିବାବେଳେ ଦ୍ଵିତୀୟ ଇନିଂସ ବୋଲିଂରେ ରବୀନ୍ଦ୍ର ଜାଡେଜା ସର୍ବାଧିକ ୪ ୱିକେଟ ନେଇଛନ୍ତି।
