ନନ୍ଦିଘୋଷ ବ୍ୟୁରୋ : ସୋର ୧୬ ନମ୍ବର ଜାତୀୟ ରାଜପଥ କଲେଜ ଛକ ନିକଟରେ ହୋମଗାର୍ଡଙ୍କୁ ଧକ୍କା ଦେଲା କଣ୍ଟେନର । ଘଟଣାସ୍ଥଳରେ ହୋମଗାର୍ଡଙ୍କ ମୃତ୍ୟୁ ହୋଇଛି। ମୃତ ହୋମଗାର୍ଡ ହେଲେ ବରଦେଉଳି ଗାଁର ସୁଶାନ୍ତ ସେଠୀ । ସୋର ଥାନାରୁ ଡ୍ୟୁଟି ସାରି ସୋର କଲେଜ ଛକକୁ ଚାହା ପିଇବାକୁ ଯାଇଥିଲେ । ଆଜି ଭୋର ସମୟରେ ଚାହା ପିଇ ଫେରୁଥିବା ବେଳେ ତାଙ୍କୁ ଏକ କଣ୍ଟେନର ଧକ୍କା ଦେଇଥିଲା । ଦୁର୍ଘଟଣା ଘଟାଇଥିବା କଣ୍ଟେନରକୁ ଜବତ କରିବା ସହିତ ଡ୍ରାଇଭରକୁ ସୋର ଥାନାରେ ଅଟକ ରଖିଛି ପୋଲିସ । ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ସୋର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଯାଇଛି।
