ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ଵର ଟାଟା ପାୱାରର ଏକଜିକ୍ୟୁଟିଭ ଇଂଜିନିୟର। ସେ ହେଲେ ତୁଷାରକାନ୍ତ ରାୟ। ୨୦ ହଜାର ଟଙ୍କା ଲାଞ୍ଚ ନେବା ବେଳେ ତାଙ୍କୁ ଧରିଛି ଭିଜିଲାନ୍ସ । ଜଣେ ଇଲେକଟ୍ରିକାଲ କଣ୍ଟ୍ରାକଟରଙ୍କଠାରୁ ସେ ଲାଞ୍ଚ ନେଉଥିଲେ। ଏକ ଆପାର୍ଟମେଣ୍ଟକୁ ଲାଇନ୍ ସଂଯୋଗ ଦେବା ପାଇଁ ଅନୁକୂଳ ରିପୋର୍ଟ ପ୍ରଦାନ କରିବାକୁ ସେ ମାଗିଥିଲେ ୨୦ ହଜାର ଟଙ୍କା। ଘରକୁ ଡାକି ତା ପରେ ପାଖ ପାର୍କକୁ ନେଇଥିଲେ। ଠିକ୍ ଟଙ୍କା ନେବା ବେଳେ ତୁଷାରକାନ୍ତଙ୍କୁ ମାଡ଼ି ବସିଥିଲା ଭିଜିଲାନ୍ସ । ଆୟ ବହିର୍ଭୁତ ସଂପତ୍ତି ଠୁଳ ଅଭିଯୋଗରେ ୩ଟି ଜାଗାରେ ରେଡ୍ କରାଯାଇଛି। ପ୍ରାୟ ୧୦ ଲକ୍ଷ ଟଙ୍କା ଜବତ ହୋଇଛି।
