ବାରବାଟୀ ଷ୍ଟାଡିୟମରେ ଓଡ଼ିଶା ପ୍ରୋ ଟି-ଟ୍ବେଣ୍ଟି ଫଟାଫଟ୍ କ୍ରିକେଟ

କଟକ : ଓଡିଶା ପ୍ରୋ ଟି ଟ୍ବେଣ୍ଟି ଫଟାଫଟ୍ କ୍ରିକେଟ ।   ବାରବାଟୀ ଷ୍ଟାଡିୟମ ଆଉ କିଛି ସମୟ ପରେ ଆରମ୍ଭ ହେବ ପ୍ରଥମ ମ୍ୟାଚ । ଦଶ ଦିନ ଧରି ହେବାକୁ ଥିବା ଏହି ପେଶାଦାର କ୍ରିକେଟ ଲିଗରେ ଓଡିଶାର ଶ୍ରେଷ୍ଠ ୧୨୦ ଖେଳାଳୀ ଭାଗ ନେଉଛନ୍ତି । ରାଜ୍ୟର ଛଅ ବଡ ସହରର ନାମକୁ ନେଇ ଛଅ ଟିମ ଗଢାଯାଇଛି ।  ପ୍ରତି ଟିମରେ ୨୦ଜଣ ଲେଖାଏଁ ଖେଳାଳୀଙ୍କୁ ସ୍ଥାନ ଦିଆ ଯାଇଛି। ଟିମ ଗୁଡିକ ହେଉଛି କଟକ ପାନ୍ଥର୍ସ, ସମ୍ବଲପୁର ୱାରିୟର୍ସ, ପୁରୀ ଟାଇଟେନସ୍, ଭୁବନେଶ୍ବର ଟାଇଗର୍ସ, କେନ୍ଦୁଝର ମିନର୍ସ, ରାଉରକେଲା ଷ୍ଟିଲସ।  ସଂଧ୍ଯାରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ମଧ୍ଯରେ ଲିଗ ଉଦଘାଟନ କରାଯାଇଛି ।

ଛଅ ଟି ଯାକ ଟିମର ଅଧିନାୟକ ଭାବେ ଓଡିଶାର ଛଅ ଷ୍ଟାର ଖେଳାଳୀ ରହିଛନ୍ତି । ସ୍ଵସ୍ତିକ ସାମଲ, ସନ୍ଦୀପ ପଟ୍ଟନାୟକ, ଆଶୀର୍ବାଦ ସ୍ବାଇଁ, ସୁଭ୍ରାଂଶୁ ସେନାପତି, ଗୋବିନ୍ଦ ପୋଦାର ଓ ସୂର୍ଯ୍ୟକାନ୍ତ ପ୍ରଧାନଙ୍କୁ ଛଅଟି ଦଳର ଅଧିନାୟକ କରାଯାଇଛି। ନିଲାମ ଜରିଆରେ ଅଧିନାୟକ ବା ମରକ୍ବି ଖେଳାଳୀ ୧,୨୫,୦୦୦ ଟଙ୍କାରେ ଚୁକ୍ତିବଦ୍ଧ ହୋଇ ଥିବା ବେଳେ ଗ୍ରେଡ ଏ ଖେଳାଳୀ ୧ଲକ୍ଷ, ଗ୍ରେଡ-ବି ୭୫ ହଜାର, ଗ୍ରେଡ-ସି ୫୦ ହଜାର ଓ ଗ୍ରେଡ ଡି ଖେଳାଳୀ ୪୦ ହଜାର ଟଙ୍କା ମୂଲ୍ଯରେ ଦଳରେ ସାମିଲ ହୋଇ ଛନ୍ତି। ଏହି ଲିଗ ଓଡିଶାର  ଖେଳାଳୀଙ୍କୁ ନିଜ ପ୍ରଦର୍ଶନ ଦେଖାଇବା ପାଇଁ ଭଲ ସୁଯୋଗ ହେବ ବୋଲି ପୂର୍ବତନ ଅନ୍ତର୍ଜାତୀୟ କ୍ରିକେଟର ଇର୍ଫାନ ପଠାନ କହିଛନ୍ତି। ଏହି ଫଟାଫଟ୍ କ୍ରିକେଟକୁ ଦର୍ଶକ ୧,୩,୫ ନମ୍ବର ଗ୍ୟାଲେରୀରେ ବିନା ଦେୟରେ ଦେଖି ପାରିବେ।