ପାକିସ୍ତାନ ବିପକ୍ଷ ମ୍ୟାଚକୁ ନେଇ ଏମିତି କହିଲେ ଐଶନ୍ୟା ଦ୍ବିବେଦୀ

ନନ୍ଦିଘୋଷ ବ୍ୟୁରୋ: ଆସନ୍ତାକାଲି ଏସିଆ କପର ଏକ ଗୁରୁତ୍ବପୂର୍ଣ୍ଣ ମ୍ୟାଚ ଖେଳାଯିବାକୁ ଯାଉଛି । ଦୁଇ ପାରମ୍ପରିକ ପ୍ରତିଦ୍ବନ୍ଦୀ ଭାରତ-ପାକିସ୍ତାନ ମଧ୍ୟରେ ଖେଳାଯିବାକୁ ଯାଉଛି ହାଇଭୋଲଟେଜ୍ ମ୍ୟାଚ୍ । ଏହି ମ୍ୟାଚ ଉପରେ ସମସ୍ତଙ୍କ ନଜର ରହିଥିବାବେଳେ ଭାରତ-ପାକିସ୍ତାନ ମ୍ୟାଚକୁ ରଦ୍ଦ କରାଯାଉ ବୋଲି କିଛି ଦାବି ରଖିଛନ୍ତି । ପାକିସ୍ତାନୀ ଆତଙ୍କବାଦୀମାନେ ଯେଭଳି ପହଲଗାମରେ ଆକ୍ରମଣ କରିଥିଲେ ଏହାର ପ୍ରତିବାଦରେ ସେମାନଙ୍କ ସହ ମ୍ୟାଚ ନଖେଳିବାକୁ ଦାବି କରାଯାଉଛି । ପହଲଗାମ ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଥିବା ଶୁଭମ ଦ୍ବିବେଦୀଙ୍କ ପତ୍ନୀ ଐଶନ୍ୟା କହିଛନ୍ତି କି, ଏହି ମ୍ୟାଚ ଖେଳାଯିବାକୁ ବିସିସିଆଇ ଅନୁମତି ଦେବା ଅନୁଚିତ୍ ।

ଏହାସହ ସେ କହିଛନ୍ତି କି, ବିସିସିଆଇ ସେହି ୨୬ ପରିବାର ପ୍ରତି ଭାବପ୍ରବଣ ନୁହେଁ । ଆମର କ୍ରିକେଟରମାନେ ମଧ୍ୟ ଏହି ମ୍ୟାଚ ଖେଳିବା ଲାଗି ମନା କରିବାର ଥିଲା । ଜଣେ ଦୁଇଜଣଙ୍କ ଛାଡ଼ିଦେଲେ ବାକି କୌଣସି ଖେଳାଳି ମ୍ୟାଚ ବର୍ଜନ ପାଇଁ ଆଗକୁ ଆସିନାହାନ୍ତି । ଖେଳାଳିମାନେ ନିଜଆଡ଼ୁ ମ୍ୟାଚ ବର୍ଜନ କରିବା ପାଇଁ ଆଗେଇ ଆସିବା ଉଚିତ୍ । ମାତ୍ର ଏଭଳି କିଛି ହେଉନାହିଁ । ଏହା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି କହିଛନ୍ତି ।