ନିଆରା ଢଙ୍ଗରେ ପାଳିଲେ ମହାଶିବରାତ୍ରୀ, ଶିବଲିଙ୍ଗରେ କ୍ଷୀର ଢାଳିବା ବଦଳରେ…

ଭବାନୀପାଟଣା: ଶିବରାତ୍ରୀକୁ ନିଆରା ଢଙ୍ଗରେ ପାଳନ କଲେ ଶ୍ରଦ୍ଧାଳୁ । ଶିବଲିଙ୍ଗ ବଦଳରେ ଲୋକଙ୍କୁ କ୍ଷୀର ବାଣ୍ଟି ପେଟର ଭୋକ ମେଣ୍ଟାଇଲେ । ଏହି ଦୃଶ୍ୟ ଦେଖିବାକୁ ମିଳିଛି ଭବାନୀପାଟଣା ବାଲାଜୀ ମନ୍ଦିରରେ ।

ମହାଶିବରାତ୍ରୀରେ ଶିବଲିଙ୍ଗରେ କ୍ଷୀର ନଢ଼ାଳି ଲୋକଙ୍କୁ କ୍ଷୀର ବାଣ୍ଟିଛନ୍ତି ଭକ୍ତ । ଆଜି ଭବାନୀପାଟଣା ବାଲାଜୀ ମନ୍ଦିରରେ ଏଭଳି ଭାବରେ ଶିବରାତ୍ରୀ ପାଳନ କରାଯାଇଛି । ଭକ୍ତମାନଙ୍କ ଏଭଳି କାର୍ଯ୍ୟକୁ ଆୟୋଜକମାନେ ପ୍ରଶଂସା କରିବା ସହିତ ଏଥିରେ ସହଯୋଗ କରିଛନ୍ତି ।

ପ୍ରସାଦ ସ୍ୱରୂପ କ୍ଷୀର ବଣ୍ଟନ କରାଯାଉଛି । ଶିବଲିଙ୍ଗ ଉପରେ କ୍ଷୀର ନଢ଼ାଳି ଭକ୍ତମାନେ ମହାକାଳ ଓ ତ୍ରିକାଳଙ୍କ ଦର୍ଶନ କରି କ୍ଷୀର ବଣ୍ଟନ କରିଛନ୍ତି ।