ମାଆଙ୍କୁ ମେସେଜ କରିବା ପରେ ନିଜକୁ ଗୁଳି କଲେ ବିଏସଏଫ ଯବାନ

ନନ୍ଦିଘୋଷ ବ୍ୟୁରୋ: ମାଆକୁ ମୋବାଇଲରେ ମେସେଜ ପଠାଇଲେ, ପରେ ଫୋନରେ ମାଆ ସହ କଥା ହେଉଥିବା ସମୟରେ ନିଜ ସର୍ଭିସ ବନ୍ଧୁକରେ ନିଜକୁ ଗୁଳି କଲେ BSF ଯବାନ l ମୃତ ଯବାନ ଜଣକ କାମାକ୍ଷାନଗର ଥାନା ମାଳପୁରା ଗାଁର ସୁରେଶ ବିଶ୍ୱାଳ  l

ସୂଚନା ଅନୁସାରେ ସୁରେଶ ଆଜିକୁ ପନ୍ଦର ବର୍ଷ ହେବ BSFରେ ଯବାନ ଭାବେ କାର୍ଯ୍ୟ କରି ଆସୁଥିଲେ । ଏବେ ସେ ଜାମ୍ମୁ କାଶ୍ମୀରଠାରେ କାର୍ଯ୍ୟ କରୁଥିଲେ l ୯ ଦିନ ତଳେ ସେ ଘରକୁ ଆସି ଛୁଟି କଟାଇ ଜାମ୍ମୁ କାଶ୍ମୀର ଯାଇଥିଲେ । ଆଜି ସଂନ୍ଧ୍ୟା ସମୟରେ ଡ୍ୟୁଟିରେ ଥିବାବେଳେ ସେ ନିଜ ବନ୍ଧୁକରୁ ଗୁଳି ମାରି ଆତ୍ମହତ୍ୟା କରିଛନ୍ତି l

ବଡ଼କଥା ହେଉଛି ସୁରେଶ ନିଜ ଆତ୍ମହତ୍ୟାର କାରଣ ବିଷୟରେ ତାଙ୍କ ମାଆଙ୍କ ଫୋନକୁ ମେସେଜ ପଠାଇବା ସହ ତାଙ୍କ ଆତ୍ମହତ୍ୟା ପାଇଁ ନିଜ ସ୍ତ୍ରୀ, ସାନଭାଇ ଓ ନିଜ ଶ୍ୱଶୁର ଘରକୁ ଦାୟୀ କରିଛନ୍ତି l ତେବେ ସୁରେଶଙ୍କ ମରଶରୀର ଜାମ୍ମୁ କାଶ୍ମୀରରେ ଥିବା ତାଙ୍କ ମାଆଙ୍କୁ ସୂଚନା ଦିଆଯାଇଛି l ଆସନ୍ତାକାଲି ତାଙ୍କ ମରଶରୀର କାମାକ୍ଷାନଗରରେ ପହଞ୍ଚିବା ନେଇ ସୂଚନା ରହିଛି ।