ପୂର୍ବତନ ମୁଖ୍ୟମନ୍ତ୍ରୀଙ୍କ ପୁଅଙ୍କୁ ଗିରଫ କଲା ଇଡି

ଛତିଶଗଡ଼ର ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବଘେଲଙ୍କ ପୁଅ ଚୈତନ୍ୟ ବଘେଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଗିରଫ କରିଛି । ମଦ ଘୋଟାଲାକୁ ନେଇ ଇଡି ତାଙ୍କ ବାସଭବନରେ ରେଡ୍ ମାରିବା ପରେ ଚୈତନ୍ୟଙ୍କୁ ଗିରଫ କରିଛି । ରେଡ୍ ପରେ ପୂର୍ବତନ ମୁଖ୍ୟମନ୍ତ୍ରୀଙ୍କ ପୁଅଙ୍କୁ କେନ୍ଦ୍ରୀୟ ଏଜେନ୍ସି ଗିରଫ କରିଛି । ଏହି ଘଟଣାରେ ଏକ ନୂଆ ପ୍ରମାଣ ମିଳିବା ପରେ ଧନ ଶୋଧନ ନିବାରଣ ଅଧିନିୟମ (ପିଏମଏଲଏ) ଅଧୀନରେ ଚୈତନ୍ୟଙ୍କ ଭିଲାଈ ସ୍ଥତ ଘରେ ତଲାସୀ ଅଭିଯାନ ଚାଲିଥିଲା । ଉକ୍ତ ବାସଭାବନରେ ଚୈତନ୍ୟ ତାଙ୍କ ପିତାଙ୍କ ସହ ରହୁଥିଲେ ।

ମଦ ଘୋଟାଲା ମାମଲାରେ ଆଜି ସକାଳୁ ଇଡି ଚୈତନ୍ୟଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା । ଭୂପେଶଙ୍କ ବାସଭବନ ସମେତ ବିଭିନ୍ନ ସ୍ଥାନରେ ରେଡ୍ କରାଯାଇଥିଲା । ଏହି ଅବସରରେ ଇଡି ମାମଲା ସହ ଜଡ଼ିତ କିଛି ଗୁରୁତ୍ବପୂର୍ଣ୍ଣ ଡକ୍ୟୁମେଣ୍ଟ ପାଇଥିଲା ଓ ଚୈତନ୍ୟଙ୍କୁ ପଚରାଉଚରା କରିଥିଲା । କୌଣସି ସ୍ପଷ୍ଟ ଜବାବ ନ ମିଳିବା କାରଣରୁ ଚୈତନ୍ୟଙ୍କୁ ହେପାଜତକୁ ନିଆଯାଇଥିଲା ଓ ପରେ ଗିରଫ କରାଯାଇଥିଲା ।