ଫେରୁଛନ୍ତି ଭାରତୀୟ ମହାକାଶଚାରୀ ଶୁଭାଂଶୁ ଶୁକ୍ଲା। ଭାରତୀୟ ସମୟ ୪ଟା ୪୫ରେ ଆରମ୍ଭ ହୋଲା ଅନଡକିଂ ପ୍ରକ୍ରିୟା। ଆଇଏସଏସ ଷ୍ଟେସନରୁ ଅଲଗା ହୋଇ ପୃଥିବୀ ଅଭିମୁଖେ ଡ୍ରାଗନ କ୍ୟାପସୁଲ। ପ୍ରାୟ ୨୨ ଘଣ୍ଟା ଯାତ୍ରା କରିବା ପରେ ଆସନ୍ତାକାଲି ଅପରାହ୍ନ ୩ଟାରେ ପହଞ୍ଚିବେ। କାଲିଫର୍ଣ୍ଣିଆ ସାଗରରେ ଡ୍ରାଗନ ଅବତରଣ କରିବ ଡ୍ରାଗନ କ୍ୟାପସୁଲ। ଶୁଭାଂଶୁଙ୍କ ସମେତ ୪ ମହାକାଶଚାରୀ ପୃଥିବୀକୁ ଫେରୁଛନ୍ତି।
ଗତ ଜୁନ ୨୫ରେ ଆମେରିକାର କେନେଡି ସ୍ପେସ ସେଣ୍ଟରରୁ ଆଇଏସଏସକୁ ଯାଇଥିଲେ ଶୁଭାଂଶୁଙ୍କ ସମେତ ୪ ମହାକାଶଚାରୀ। ଜୁନ ୨୬ରେ ଆଇଏସଏସରେ ହୋଇଥିଲା ଡକିଂ। ଶୁଭାଂଶୁଙ୍କ ସହିତ, ଏହି ମିଶନରେ ଆମେରିକୀୟ ମହାକାଶଚାରୀ ପେଗି ହ୍ବିଟସନ, ପୋଲାଣ୍ଡର ସ୍ଲାଭୋସ ଉଜନାନସ୍କି ୱିସନିୱସ୍କି ଓ ହଙ୍ଗେରିର ଟିବୋର୍ କାପୁ ସାମିଲ ଅଛନ୍ତି। ଏହି ଟିମ୍ ଜୁନ ୨୫ରେ ସ୍ପେସଏକ୍ସର ଡ୍ରାଗନ କ୍ୟାପସୁଲ୍ରେ ଫାଲକନ ରକେଟ୍ରେ ଯାତ୍ରା କରିଥିଲେ। ଶୁଭାଂଶୁ ଶୁକ୍ଳା ସେଠାରେ ଭାରତ ପାଇଁ ସାତଟି ମାଇକ୍ରୋଗ୍ରାଭିଟି ପରୀକ୍ଷଣ କରିଛନ୍ତି। ଏହା ବ୍ୟତୀତ, ସେ ISRO ଏବଂ NASA ସହ ସହଭାଗୀତାରେ ପାଞ୍ଚଟି ପରୀକ୍ଷଣ କରିଛନ୍ତି। ସେ ସ୍ପ୍ରାଉଟ୍ସ ପ୍ରୋଜେକ୍ଟରେ ବି କାମ କରିଥିଲେ। ବିଗତ ୧୯୮୪ରେ ପ୍ରଥମ ଭାରତୀୟ ଭାବେ ମହାକାଶ ଯାଇଥିଲେ ରାକେଶ ଶର୍ମା।
