ଝାଡ଼ଖଣ୍ଡ ବାହାଡ଼ାଗୋଡ଼ା ଅଞ୍ଚଳରେ ଗ୍ୟାସ ଲିକ୍, ଆଖପାଖ ଅଞ୍ଚଳରେ ବିଏନଏସ୍ ଧାରା ୧୬୩ ଲାଗୁ

ବାରିପଦା: ଝାଡ଼ଖଣ୍ଡ ବାହାଡ଼ାଗୋଡ଼ା ଅଞ୍ଚଳରେ ଗ୍ୟାସ ଲିକ୍। ଓଡ଼ିଶା ସୀମାନ୍ତ ଝାଡ଼ଖଣ୍ଡର ପୂର୍ବ ସିଂହଭୂମ ଜିଲ୍ଲାର ବାହାଡ଼ାଗୋଡ଼ା ଅଂଚଳରେ ଏକ ଟ୍ୟାଙ୍କରରୁ ଗ୍ୟାସ ଲିକ ହେଉଛି। ପ୍ରୋପିଲିନ୍ ଗ୍ୟାସ୍ ଭର୍ତ୍ତି ଏକ ଟ୍ୟାଙ୍କର ଲିକ୍ ହେବା ଯୋଗୁ ଆତଙ୍କ ପ୍ରକାଶ ପାଇଛି। NH-୪୯ର ଜାମଶୋଲା ନିକଟ ଜିଓ ପେଟ୍ରୋଲ ପମ୍ପ ସମ୍ମୁଖରେ ଏହି ଘଟଣା ଘଟିଛି। ଗ୍ୟାସ୍ ଲିକ୍ ହେବାର ସୂଚନା ପାଇବା ମାତ୍ରେ ପ୍ରଶାସନ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ରାଜପଥକୁ ବନ୍ଦ କରିଦେଇଛି। ଆଖପାଖ ଅଞ୍ଚଳରେ ବିଏନଏସ୍ ଧାରା ୧୬୩ ଲାଗୁ କରାଯାଇଛି। ବାହାରାଗୋରା ଥାନାଅଧିକାରୀ ଏବଂ ଜୋନାଲ ଅଧିକାରୀ ସକାଳୁ ଉଦ୍ଧାରକାର୍ଯ୍ୟରେ ନିୟୋଜିତ ଅଛନ୍ତି। ଓଡ଼ିଶା ଝାଡ଼ଖଣ୍ଡକୁ ସଂଯୋଗ କରୁଥିବା ରାସ୍ତା ସମ୍ପୂର୍ଣ୍ଣ ବନ୍ଦ କରାଯାଇଛି। ଏହି ଗ୍ୟାସ୍ ବିଷାକ୍ତ କି ସାଧାରଣ ତାହା ଜାଣିବା ପାଇଁ ବାଲେଶ୍ୱରରୁ ବିଶେଷଜ୍ଞଙ୍କୁ ଡକାଯାଇଛି। ପ୍ରଶାସନ ଘଟଣାସ୍ଥଳରେ ଅଗ୍ନିଶମବାହିନୀର ବ୍ୟବସ୍ଥା କରିଛି। ସୁରକ୍ଷା ବ୍ୟବସ୍ଥା ଦୃଷ୍ଟିରୁ ଘଟଣାସ୍ଥଳରୁ ୨ କିଲୋମିଟର ପର୍ଯ୍ୟନ୍ତ ଅଞ୍ଚଳକୁ ସମ୍ପୂର୍ଣ୍ଣ ସିଲ୍ କରାଯାଇଛି। ଲୋକମାନଙ୍କୁ ଘରେ ରହିବା ଏବଂ ଅଯଥା ବାହାରକୁ ନଯିବା ପାଇଁ ଅପିଲ୍ କରାଯାଇଛି। ସାଧାରଣ ଜନତାଙ୍କୁ ଶାନ୍ତି ଏବଂ ସହଯୋଗ କରିବାକୁ ଅନୁରୋଧ କରିଛନ୍ତି ପୂର୍ବ ସିଂହଭୂମି ଜିଲ୍ଲାପାଳ…