କମିଲା କମର୍ସିଆଲ ଗ୍ୟାସ ସିଲିଣ୍ଡର ଦର
ନୂଆଦିଲ୍ଲୀ: କମିଲା କମର୍ସିଆଲ ଗ୍ୟାସ ସିଲିଣ୍ଡର ଦର । ଜୁଲାଇ ମାସ ଆରମ୍ଭ ହେବା ସହ ତୈଳ କମ୍ପାନୀ ଗୁଡ଼ିକ ଏଲପିଜି ସିଲିଣ୍ଡରର ମୂଲ୍ୟ ହ୍ରାସ କରିଛନ୍ତି । ଆଜିଠୁ ସାରା ଦେଶରେ ୧୯ କିଲୋଗ୍ରାମର କମର୍ସିଆଲ ଗ୍ୟାସ ସିଲିଣ୍ଡରର ମୂଲ୍ୟ ୫୮.୫୦ ଟଙ୍କା ହ୍ରାସ ପାଇଛି । ଏବେ ଏହି ସିଲିଣ୍ଡର ୧୬୬୫ ଟଙ୍କାରେ ଉପଲଏବ୍ଧ ହେବ । ଏହି ନୂତନ ଦର ଆଜିଠୁ ଲାଗୁ ହେବ । ଏହି ଖବର ହୋଟେଲ, ଢାବା, ରେଷ୍ଟୁରାଣ୍ଟ ମାଲିକଙ୍କୁ ଆଶ୍ବସ୍ତି ଦେବ ।
୧୪. ୨ କିଲୋଗ୍ରାମ ଘରୋଇ ଗ୍ୟାସ ସିଲିଣ୍ଡର ମୂଲ୍ୟରେ କୌଣସି ପରିବର୍ତ୍ତନ ହୋଇନି । ପୂର୍ବପରି ଘରୋଇ ଗ୍ୟୃାସ ସିଲିଣ୍ଡର ଦର ସମାନ ରହିଛି ।
କେଉଁ ସହରରେ କେତେ ରହିଛି ଦର ଜାଣନ୍ତୁ..
- ରାଜଧାନୀ ଦିଲ୍ଲୀରେ, 19 କିଲୋଗ୍ରାମର ବାଣିଜ୍ୟିକ ଗ୍ୟାସ ସିଲିଣ୍ଡର ଏବେ ₹୧୭୨୩.୫୦ ବଦଳରେ ₹୧୬୬୫ ରେ ଉପଲବ୍ଧ ହେବ। ଅର୍ଥାତ୍, ଏଠାରେ ₹୫୮.୫୦ ହ୍ରାସ ପାଇଛି।
- କୋଲକାତାରେ ବାଣିଜ୍ୟିକ ସିଲିଣ୍ଡରର ମୂଲ୍ୟ ₹୫୭ ହ୍ରାସ ପାଇଛି। ଏବେ ଏହା ₹୧୭୬୯ ରେ ଉପଲବ୍ଧ।
- ମୁମ୍ବାଇରେ ମଧ୍ୟ ବାଣିଜ୍ୟିକ ସିଲିଣ୍ଡରର ମୂଲ୍ୟ ₹୫୮.୫୦ ହ୍ରାସ ପାଇଛି। ଜୁନ୍ ମାସରେ ଏହାର ମୂଲ୍ୟ ₹୧୬୭୪.୫୦ ଥିଲା, ଯାହା ଏବେ ₹୧୬୧୬ କୁ ହ୍ରାସ ପାଇଛି।
- ଏବେ ଚେନ୍ନାଇରେ, ୧୯ କିଲୋଗ୍ରାମ ସିଲିଣ୍ଡର ₹ ୧୮୨୩.୫୦ ରେ ଉପଲବ୍ଧ ହେବ।
- ପାଟନାରେ ବାଣିଜ୍ୟିକ ସିଲିଣ୍ଡରର ନୂତନ ଦର ₹ ୧୯୨୯.୫୦ ସ୍ଥିର କରାଯାଇଛି।
- ଏବେ ଭୋପାଳରେ ବାଣିଜ୍ୟିକ ସିଲିଣ୍ଡରର ମୂଲ୍ୟ ₹ ୧୭୮୭.୫୦ ହୋଇଯାଇଛି।
