ବିପଦ ସଙ୍କେତ ଉପରେ ସୁବର୍ଣ୍ଣରେଖା ଓ ଜଳକା ନଦୀ

ବାଲେଶ୍ବର: ବିପଦ ସଙ୍କେତ ଉପରେ ପ୍ରବାହିତ ହେଉଛି ସୁବର୍ଣ୍ଣରେଖା , ଜଳକା ନଦୀ । ଉତ୍ତର ବାଲେଶ୍ୱରରେ ଦୁଇଟି ନଦୀରୁ ପାଣି ବାହାରି ବନ୍ୟା ଦେଖାଦେଇଛି । ସୁବର୍ଣ୍ଣରେଖାର ରାଜଘାଟ ଠାରେ ବିପଦ ସଂକେତ ୧୦. ୩୬ ଥିବା ବେଳେ ସକାଳ ୬ ଟା ସୁଦ୍ଧା ୧୧.୩୨ ମିଟରରେ ପ୍ରବାହିତ ହେଉଛି । ଗାଲୁଡ଼ିହିରେ ୮ଟି ଗେଟ୍ ଦେଇ ୧ ଲକ୍ଷ ୨୦ କ୍ୟୁସେକ ଜଳ ସେକେଣ୍ଡ ପ୍ରତି ନିଷ୍କାସିତ ହେଉଛି । ଘଣ୍ଟାପ୍ରତି ଜଳସ୍ତର ପ୍ରାୟ ୫୦ ସେଣ୍ଟିମିଟର ବୃଦ୍ଧି ଘଟୁଛି ।

ସେହିପରି ଜଳକା ନଦୀର ଉପର ମୁଣ୍ଡରେ ପ୍ରବଳ ବର୍ଷା କାରଣରୁ ମଥାନୀ ଠାରେ ବିପଦ ସଂଙ୍କେତ ପାର କରିଛି। ମଥାନୀରେ ବିପଦସଙ୍କେତ ୬. ୫୦ ମିଟର ଥିବାବେଳେ ସକାଳ ୬ଟା ସୁଦ୍ଧା ୬. ୯୦ ମିଟର ଜଳ ପ୍ରବାହିତ ହେଉଛି । ଜଳେଶ୍ଵର, ବସ୍ତା, ବାଲିଆପାଳ, ଭୋଗରାଇ ବ୍ଳକର ଶତାଧିକ ଗାଁରେ ପାଣି ପଶିଛି ।