ଜାମିନ୍ ହେଲା ନାମଞ୍ଜୁର, ଜେଲରେ କାନ୍ଦୁଛନ୍ତି ସାହିଲ୍- ମୁସ୍କାନ

ନନ୍ଦିଘୋଷ ବ୍ୟୁରୋ:

ନନ୍ଦିଘୋଷ ବ୍ୟୁରୋ: ବହୁ ଚର୍ଚ୍ଚିତ ସୌରଭ ଚକ୍ରବର୍ତ୍ତୀଙ୍କ ହତ୍ୟାକାଣ୍ଡ ମାମଲରେ ଜେଲରେ ଫସିଛନ୍ତି ପତ୍ନୀ ମୁସ୍କାନ ଏବଂ ତାଙ୍କ ପ୍ରେମିକ ସାହିଲ । ଅତି ନୃଂଶସ ଭାବେ ହତ୍ୟା କରିବା ପରେ ତେଙ୍କ ଡ୍ରମ ଭିତରେ ରଖିଥିଲେ । ଏବେ ଉଭୟ ଜେଲରେ ରହିଥିବାବେଳେ ମୁସ୍କାନ ଗର୍ଭବତୀ ରହିଛନ୍ତି । ତାଙ୍କ ପକ୍ଷରୁ କେସ ଲଢ଼ୁଥିବା ସରକାରୀ ଓକିଲ ଜାମିନ ପାଇଁ ଆବେଦନ କରିଛନ୍ତି । କିନ୍ତୁ ଏହାକୁ ନାମଞ୍ଜୁର କରି ଦେଇଛନ୍ତି କୋର୍ଟ । ସେପଟେ ହାହିଲର ମଧ୍ୟ ଜାମିନ ଖାରଜ ହୋଇଛି । ଏହି ଖବର ପାଇବା ପରେ ଜେଲରେ ଉଭୟ କାନ୍ଦୁଥିବା ଖବର ସାମ୍ନାକୁ ଆସିଛି । ଆପଣଙ୍କୁ କହି ରଖୁଛୁ ଯେ ଏହି ମାମଲାରେ ସରକାରୀ ଓକିଲ ଭାବରେ ଆଡଭୋକେଟ୍ ରେଖା ଜୈନଙ୍କୁ ନିଯୁକ୍ତ କରାଯାଇଛି। କାରଣ ମୁସକାନ ଏବଂ ସାହିଲ ଜଣେ ସରକାରୀ ଓକିଲ ଦାବି କରିଥିଲେ। ଉଭୟଙ୍କ ପରିବାର ମାମଲା ଲଢ଼ିବାକୁ ଆଗ୍ରହ ପ୍ରକାଶ କରିନଥିଲେ। ଏପରି ପରିସ୍ଥିତିରେ, ନିୟମ ଅନୁଯାୟୀ, ଉଭୟଙ୍କୁ ଜଣେ ସରକାରୀ ଓକିଲ ଯୋଗାଇ ଦିଆଯାଇଥିଲା। ରେଖା ଜୈନ ଗତ ଏପ୍ରିଲ ୨୪ ତାରିଖରେ ମୁସ୍କାନ ଏବଂ ସାହିଲଙ୍କ ଜାମିନ ପାଇଁ ନିମ୍ନ ଅଦାଲତରେ ଏକ ଆବେଦନ ଦାଖଲ କରିଥିଲେ।

ଏହି ଆବେଦନକୁ କୋର୍ଟ ୨୭ ଏପ୍ରିଲରେ ଖାରଜ କରିଦେଇଥିଲେ। ଏହା ପରେ, ସେସନ୍ସ କୋର୍ଟରେ ପୁଣି ଥରେ ଆବେଦନ କରାଯାଇଥିଲା, କିନ୍ତୁ ସେଠାରେ ମଧ୍ୟ ଜାମିନ ଆବେଦନ ଖାରଜ ହୋଇଯାଇଥିଲା। ଏହି ମାମଲାର ଶୁଣାଣି ପୂର୍ବରୁ ମେ ୧ ତାରିଖରେ ହେବାର ଥିଲା, କିନ୍ତୁ କୋର୍ଟ ଏହାକୁ ମେ ୩ ତାରିଖକୁ ସ୍ଥଗିତ ରଖିଥିଲେ। ଉଲ୍ଲେଖନୀୟ ଯେ ମାର୍ଚ୍ଚ ୩ ତାରିଖରେ ମେରଠର ବ୍ରହ୍ମପୁରୀର ଦାଣ୍ଡିରା ନଗରରେ ଏକ ଚାଞ୍ଚଲ୍ୟକର ହତ୍ୟା ମାମଲା ସାମ୍ନାକୁ ଆସିଥିଲା।

ଅଭିଯୁକ୍ତ ମୁସ୍କାନ ତାଙ୍କ ପ୍ରେମିକ ସାହିଲ ଶୁକ୍ଳାଙ୍କ ସହିତ ମିଶି ତାଙ୍କ ସ୍ୱାମୀ ସୌରଭଙ୍କୁ ହତ୍ୟା କରିଥିଲେ। ହତ୍ୟା ପରେ, ଦୁହେଁ ସୌରଭଙ୍କ ଶରୀରକୁ ଚାରି ଖଣ୍ଡ କରି ସିମେଣ୍ଟ ଭର୍ତ୍ତି ଏକ ନୀଳ ଡ୍ରମରେ ବନ୍ଦ କରି ଦେଇଥିଲେ।