ତହବୁର ରାଣାକୁ NIA ଜେରାର ଆଜି ପଞ୍ଚମ ଦିନ

ନନ୍ଦିଘୋଷ ବ୍ୟୁରୋ: ଆତଙ୍କୀ ତହବୁର ରାଣାକୁ NIA ଜେରାର ଆଜି ପଞ୍ଚମ ଦିନ। ୨୦୦୮ ମସିହାରେ ହୋଇଥିବା ୨୬/୧୧ ଆତଙ୍କବାଦୀ ଆକ୍ରମଣ ପଛରେ ଥିବା ଗଭୀର ଷଡ଼ଯନ୍ତ୍ରର ପର୍ଦ୍ଦାଫାସ କରିବା ପାଇଁ ଜାତୀୟ ତଦନ୍ତକାରୀ ସଂସ୍ଥା NIA ମୁମ୍ବାଇ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ତହବୁର ହୁସେନ ରାଣାଙ୍କୁ ପ୍ରତିଦିନ ୮ରୁ ୧୦ ଘଣ୍ଟା ପଚରାଉଚରା କରୁଛି। ଏହି ଆକ୍ରମଣରେ ୧୬୬ ଜଣଙ୍କର ମୃତ୍ୟୁ ହୋଇଥିଲା ଏବଂ ୨୩୮ ରୁ ଅଧିକ ଆହତ ହୋଇଥିଲେ। ହାଜତରେ ଥିବା ସମୟରେ ରାଣା ଏକ କଲମ, ନୋଟପ୍ୟାଡ୍ ଏବଂ ଏକ କୋରାନ ମାଗିଛି। NIA ଅଧିକାରୀମାନେ ରାଣାଙ୍କ ଡାକ୍ତରୀ ପରୀକ୍ଷା କରାଇଛନ୍ତି। ଦିଲ୍ଲୀ କୋର୍ଟଙ୍କ ନିର୍ଦ୍ଦେଶ ଅନୁଯାୟୀ, ତାଙ୍କୁ ତାଙ୍କ ଓକିଲଙ୍କୁ ଭେଟିବାକୁ ମଧ୍ୟ ଅନୁମତି ଦିଆଯାଇଛି। ରାଣା ପାକିସ୍ତାନୀ ସେନାର ଜଣେ ବରିଷ୍ଠ ଅଧିକାରୀ ଥିଲା। ପାକିସ୍ତାନରୁ କାର୍ଯ୍ୟ କରୁଥିବା କୌଣସି ଆତଙ୍କବାଦୀ ଗୋଷ୍ଠୀର ନେତା ଥିଲେ କି ନାହିଁ। ଅନ୍ୟ ଭାରତୀୟ ସହରଗୁଡ଼ିକୁ ମଧ୍ୟ ଟାର୍ଗେଟ କରିବାର ଲକ୍ଷ୍ୟ ଥିଲା କି ନାହି । ଏ ସବୁ ଖୋଳତାଡ଼ କରୁଛି ଏନଆଇଏ। NIA ଭାରତର ଅନେକ ସହରକୁ ରାଣାଙ୍କ ଗସ୍ତର ମଧ୍ୟ ତଦନ୍ତ କରୁଛି। ୧୩ ରୁ ୨୧ ନଭେମ୍ବର ୨୦୦୮ ମଧ୍ୟରେ ରାଣା ପତ୍ନୀ ସମରାଜ ରାଣା ଅଖତରଙ୍କ ସହ ଭାରତରେ ଅନେକ ସହର ଗସ୍ତ କରିଥିଲା। ଉତ୍ତର ପ୍ରଦେଶର ହାପୁର, ଆଗ୍ରା ସମେତ  ଦିଲ୍ଲୀ, କୋଚି, ଅହମଦାବାଦ ଏବଂ ମୁମ୍ବାଇ ଯାଇଥିଲା। ଏହି ଯାତ୍ରାଗୁଡ଼ିକ ସମାନ ଆକ୍ରମଣ ଲାଗି ଅନୁଧ୍ୟାନ କରିଥିଲା କି ନାହିଁ ତାହା ଅଧିକାରୀମାନେ ତଦନ୍ତ କରୁଛନ୍ତି। ଗତ ଶୁକ୍ରବାର କୋର୍ଟ ରାଣାଙ୍କୁ ୧୮ ଦିନିଆ ଏନଆଇଏ ହେପାଜତକୁ ପଠାଇଛନ୍ତି।