ବିଜେଡି ପକ୍ଷରୁ ପଣା ସଂକ୍ରାନ୍ତି ପାଳନ: ସମସ୍ତ ଓଡ଼ିଆଙ୍କୁ ନବବର୍ଷର ଶୁଭେଚ୍ଛା

ଭୁବନେଶ୍ବର: ଏକାମ୍ର ଭୁବନେଶ୍ୱରରେ ପଣା ସଂକ୍ରାନ୍ତି ପାଳନ କରାଯାଉଛି । ଏନେଇ ଏକାମ୍ର ବିଜୁ ଜନତା ଦଳ ପକ୍ଷରୁ ବିମେଶ୍ୱର ମନ୍ଦିର ପାଖରେ ପଣାର ଆୟୋଜନ କରାଯାଇଥିଲା । ୬୧ ନମ୍ବର ୱାର୍ଡର ଏହି କାର୍ଯ୍ୟକ୍ରମରେ ସ୍ଥାନୀୟ ଲୋକ ସାମିଲ ହୋଇଥିଲେ । ବିଜେଡି ପକ୍ଷରୁ ସମନ୍ୱୟ କମିଟି ଅଧ୍ୟକ୍ଷ ଦେବୀ ମିଶ୍ର, ପୂର୍ବତନ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଓ ଭୁବନେଶ୍ୱର ମେୟର ସୁଲୋଚନା ଦାସଙ୍କ ସମେତ ଅନେକ କର୍ପୋରେଟର ସାମିଲ ହୋଇଥିଲେ । ଏହାସହ ଲୋକଙ୍କୁ ପଣା ବଣ୍ଟନ କରିଥିଲେ । ଏଥର ପଣାରେ ଔଷଧୀୟ ଗୁଣବତ୍ତା ବଜାୟ ରଖାଯାଇଛି । ଏହି ଅବସରରେ ବିଜେଡି ପକ୍ଷରୁ ସମସ୍ତଙ୍କୁ ଓଡ଼ିଆରେ ନବବର୍ଷର ଶୁଭେଚ୍ଛା ଜଣାଯାଇଛି ।