ଢେଙ୍କାନାଳର ପାହାଡ ଓ ଜଙ୍ଗଲରେ କିଛି ମାଓବାଦୀ ଲୁଚି ଥିବା ଗ୍ରାମବାସୀଙ୍କ ସୂଚନା

କୋରାପୁଟ: ଛତିଶଗଡ ସିଆରପିଏଫ ଗୁଳିରୁ ବଞ୍ଚିବା ପାଇଁ ମାଓବାଦୀ ମାନେ ଏବେ ଢେଙ୍କାନାଳ କଙ୍କଡ଼ାହାଡ଼ ବ୍ଲକ ଅଞ୍ଚଳରେ ପଶିଛନ୍ତି । କଙ୍କଡ଼ାହାଡ଼ ବ୍ଲକ ଅନ୍ତର୍ଗତ ପାହାଡ ଓ ଜଙ୍ଗଲରେ କିଛି ମାଓବାଦୀ ଲୁଚି ରହିଥିବା ଗ୍ରାମବାସୀ କହିଛନ୍ତି । କେନ୍ଦୁଝର ଓ ଯାଜପୁର ସୀମାନ୍ତ ଗ୍ରାମ ଏକୁଲ ଓ ସେକୁଲ ଗ୍ରାମ ରେ କିଛି ମାଓବାଦୀ ଲୁଚି ରହିଥିବା ଗ୍ରାମବାସୀ ସୂଚନା ଦେଇଛନ୍ତି । କେନ୍ଦୁଝର ଜିଲ୍ଲା ଅନ୍ତର୍ଗତ ତେଲକୋଇ ବ୍ଲକ କାଳିଆହତା ପଞ୍ଚାୟତ ସାରେଇ ଜଙ୍ଗଲ ରେ ରହିଛି ମାଓବାଦୀଙ୍କ ପୁରୁଣା ଆଡ୍ଡା । ଦୁଇ ଦିନ ପୂର୍ବରୁ ଗୋଟିଏ ଫରେଷ୍ଟ ବିଟ ହାଉସକୁ ମାଓବାଦୀ ମାନେ ଭାଙ୍ଗି ଦେଇ ଥିବା ପୋଲିସ ସନ୍ଦେହ କରିଛି । ଜଙ୍ଗଲ ଭିତରକୁ ନ ଆସିବାକୁ ସ୍ଥାନୀୟ ଲୋକଙ୍କୁ ଧମକାଇଛନ୍ତି ମାଓବାଦୀ। ଗତକାଲି କିଛି ଲୋକ ଜଙ୍ଗଲକୁ କାଠ ଆଣିବାକୁ ଯାଇଥିବାବେଳେ ଜଙ୍ଗଲ ଭିତରକୁ ନଆସିବାକୁ ସେମାନଙ୍କୁ ମାଓବାଦୀମାନେ ସିଧା ସିଧା ମନା କରିଛନ୍ତି।