ଚାମ୍ପିୟନ୍ସ ଟ୍ରଫି ପରେ ଏବେ ଗମ୍ଭୀରଙ୍କ ଆଗରେ ନୂଆ ଚ୍ୟାଲେଞ୍ଜ

ନନ୍ଦିଘୋଷ ବ୍ୟୁରୋ: ନିକଟରେ ଭାରତୀୟ ଦଳ ଚାମ୍ପିୟନ୍ସ ଟ୍ରଫି ଜିତିଛି । ଭାରତୀୟ ଦଳ ବିଜୟୀ ହେବା ପରେ ଏବେ ଛୁଟୁଛି ପ୍ରଶଂସାର ସୁଅ । ଟିମ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ଏହି ବିଜୟ ପରେ ବେଶ ଖୁସି ଅଛନ୍ତି । କିନ୍ତୁ ଆଗକୁ ତାଙ୍କ ଆଗରେ ରହିଛି ଆହୁରି ଚ୍ୟାଲେଞ୍ଜ ।
ଗମ୍ଭୀରଙ୍କ ଆଗରେ ୩ ବଡ଼ ଚ୍ୟାଲେଞ୍ଜ
• ଇଂଲଣ୍ଡ ବିପକ୍ଷ ଟେଷ୍ଟ: ଆଇପିଏଲ ପରେ ତୁରନ୍ତ ଆରମ୍ଭ ହେବାକୁ ଥିବା ଇଂଲଣ୍ଡ ଟେଷ୍ଟ ଗସ୍ତରେ ଯିବ ଟିମ ଇଣ୍ଡିଆ । ଆଇପିଏଲ ପରେ ସିଧା ସଳଖ ଇଂଲଣ୍ଡ ଯାଉଥିବାବେଳେ ବିନା ଅଭ୍ୟାସରେ ମଇଦାନକୁ ଓହ୍ଲାଇବ । ଗମ୍ଭୀରଙ୍କୁ କୌଣସି ପ୍ରସ୍ତୁତି ବିନା ଦଳକୁ ସମ୍ଭାଳିବାକୁ ପଡିବ।
• ୨୦୨୬ ଟି-୨୦ ବିଶ୍ୱକପ୍: ୨୦୨୬ରେ ଖେଳାଯିବାକୁ ଥିବା ଟି-୨୦ ବିଶ୍ବକପରେ ଭାରତ ପାଇଁ ବଡ଼ ଚ୍ୟାଲେଞ୍ଜ ରହିବ । ଭାରତ ଏବଂ ଶ୍ରୀଲଙ୍କାରେ ଏହି ଟୁର୍ଣ୍ଣାମେଣ୍ଟ ଆୟୋଜନ ହେବାକୁ ଥିବାବେଳେ ଘରୋଇ ମାଟିରେ ଦଳ ଟାଇଟଲ ବଜାୟ ରଖିବାକୁ ଚେଷ୍ଟା କରିବ । ଆଉ ବିରାଟ ରୋହିତଙ୍କ ଭଳି ଅଭିଜ୍ଞ ଖେଳାଳିଙ୍କ ବିନା ସୂର୍ଯ୍ୟକୁମାର ଯାଦବଙ୍କ ଟିମର ପ୍ରଦର୍ଶନ କରିବ ତାହା ଗମ୍ଭୀରଙ୍କ ପାଇଁ ବଡ଼ ଚ୍ୟାଲେଞ୍ଜ ।
• ୨୦୨୭ ODI ବିଶ୍ୱକପ୍: ଦକ୍ଷିଣ ଆଫ୍ରିକାରେ ଅନୁଷ୍ଠିତ ହେବାକୁ ଥିବା ଏହି ଟୁର୍ଣ୍ଣାମେଣ୍ଟରେ ଭାରତ ଏକ ବଡ଼ ଚ୍ୟାଲେଞ୍ଜର ସମ୍ମୁଖୀନ ହେବ।