ପୁରୀ ରଥଯାତ୍ରାକୁ ମିଳିବ ୟୁନେସ୍କୋ ମାନ୍ୟତା, ଶ୍ରୀମନ୍ଦିର ପ୍ରଶାସନ ପକ୍ଷରୁ ଆରମ୍ଭ ହେଲା ପ୍ରସ୍ତୁତି

ପୁରୀ : ବିଶ୍ୱ ପ୍ରସିଦ୍ଧ ରଥଯାତ୍ରା ପାଇବ ବିଶ୍ୱ ଐତିହ୍ଯ ମାନ୍ୟତା । ୨୦୨୫ ରଥଯାତ୍ରାକୁ ମିଳିବ ୟୁନେସ୍କୋର ଇନଟାଞ୍ଜିବଲ ହେରିଟେଜ ମାନ୍ଯତା । ଶ୍ରୀମନ୍ଦିର ପ୍ରଶାସନ ପକ୍ଷରୁ ଆରମ୍ଭ ହେଲା ପ୍ରସ୍ତୁତି । ସଂସ୍କୃତି ବିଭାଗ ଜରିଆରେ ୟୁନେସ୍କୋକୁ ଚିଠି ଲେଖିଥିଲା ଶ୍ରୀମନ୍ଦିର ପ୍ରଶାସନ । ନାମାଙ୍କନ ଦାଖଲ ନେଇ ରାଜ୍ଯ ସରକାରଙ୍କ ଓଡିଆ ଭାଷା , ସାହିତ୍ଯ ଏବଂ ସଂସ୍କୃତି ବିଭାଗ ପକ୍ଷରୁ ଅନୁମତି ମିଳିବା ପରେ ଶ୍ରୀମନ୍ଦିର ପ୍ରଶାସନ ଏନେଇ ନାମାଙ୍କନ ପତ୍ରର ପ୍ରସ୍ତୁତି ପ୍ରକ୍ରିୟା ଆରମ୍ଭ ହୋଇଛି । ଖୁବଶୀଘ୍ର ଏହା ଦାଖଲ କରାଯିବ । ଶ୍ରୀମନ୍ଦିର ମୁଖ୍ଯ ପ୍ରଶାସକ ଦିଲ୍ଲୀ ଗସ୍ତ ଅବସରରେ କେନ୍ଦ୍ର ସଂସ୍କୃତି ମନ୍ତ୍ରଣାଳୟର ବରିଷ୍ଠ ଅଧିକାରୀମାନଙ୍କ ସହ ଏନେଇ ଆଲୋଚନା କରିଛନ୍ତି । ଏଥିପାଇଁ ଶ୍ରୀମନ୍ଦିର ପରିଚାଳନା କମିଟି ଗଠନ ହେବା ପରେ ସେଥିରୁ ୩ ଜଣ ସଦସ୍ଯ ଓ ୨ ଜଣ ମଠାଧୀଶଙ୍କୁ ନେଇ ଗଠନ ହେବ ପରାମର୍ଶ କମିଟି । ଗତବର୍ଷର ଅକ୍ଷୟ ତୃତୀୟା ଠାରୁ ଆରମ୍ଭ କରି ଚନ୍ଦନ ଯାତ୍ରା, ଅଣସର, ରଥଯାତ୍ରା ଓ ନୀଳାଦ୍ରି ବିଜେ ପର୍ଯ୍ଯନ୍ତ ସମସ୍ତ ନୀତିକାନ୍ତି ସହ ଭିଡିଓ ଫୁଟେଜ ମଧ୍ଯ ଦାଖଲ କରାଯିବ l ଶ୍ରୀମନ୍ଦିର ପ୍ରଶାସନର ଏପରି ପ୍ରକ୍ରିୟାକୁ ସାଧୁବାଦ

କରୋନା ମହାମାରୀ ସମୟରେ ସାରା ବିଶ୍ୱରେ ସମସ୍ତ ପର୍ବପର୍ବାଣୀ ଉପରେ ଅଙ୍କୁଶ ଲାଗିଥିବା ସତ୍ତ୍ବେ ପୁରୀରେ ମହାପ୍ରଭୂଙ୍କ ବିଶ୍ୱପ୍ରସିଦ୍ଧ ରଥଯାତ୍ରା କରାଯାଇଥିଲା । ସ୍କନ୍ଦପୁରାଣରେ ମହାପ୍ରଭୁଙ୍କ ରଥଯାତ୍ରା ବିଷୟରେ ବର୍ଣ୍ଣିତ ରହିଥିବା ବେଳେ ଏହି ଐତିହ୍ଯ ଯାତ୍ରା ୟୁନେସ୍କୋ ର ସମସ୍ତ ନିୟମାବଳି ଅନୁପାଳନ କରୁଥିବାରୁ ରାଜ୍ୟ ସଂସ୍କୃତି ବିଭାଗ ପକ୍ଷରୁ ୟୁନେସ୍କୋ କୁ ଚିଠି ଲେଖାଯାଇଛି । ମାନ୍ୟତା ମିଳିଲେ ମହାପ୍ରଭୁଙ୍କ ଏହି ରଥଯାତ୍ରା ସାରା ବିଶ୍ୱରେ ସ୍ୱତ୍ରନ୍ତ୍ର ପରିଚୟ ସୃଷ୍ଟି କରିବ ବୋଲି କହିଛନ୍ତି ଶ୍ରୀମନ୍ଦିର ବରିଷ୍ଠ ସେବାୟତ ଓ ବୁଦ୍ଧିଜୀବୀ । ବିଶ୍ୱରେ ୪୦ ରୁ ଅଧିକ ବିଭିନ୍ନ ବର୍ଗର ଫେଷ୍ଟିଭାଲକୁ ୟୁନେସ୍କୋ ମାନ୍ୟତା ଦେଇଥିବା ବେଳେ ଭାରତରେ ଏ ଯାବତ ହିମାଚଳ ପ୍ରଦେଶ ଓ କେରଳ ପ୍ରଦେଶର ଦୁଇଟି ଫେଷ୍ଟିଭାଲକୁ ମାନ୍ୟତା ମିଳିଛି ।