ହନିମୁନରେ ଯାଇଥିଲେ ନବ ଦମ୍ପତି: ପତି ଟ୍ରେନରେ ଚଢ଼ିବା ପରେ ପ୍ରେମିକଙ୍କ ସହ ଫେରାର ହୋଇଗଲେ ପତ୍ନୀ

ମୁଜାଫରପୁର: ପ୍ରେମ ସମ୍ପର୍କକୁ ନେଇ ଆମ ସମାଜରେ ଅନେକ ନୂଆ ନୂଆା ଘଟଣା ଦେଖିବାକୁ ମିଳିଥାଏ । ତେବେ ଏହା ମଧ୍ୟରେ ବିହାରରେ ଦେଖିବାକୁ ମିଳିଛି ପ୍ରେମର ଏକ ଧୋକାଭରା କାହାଣୀ । ମୁଜାଫରପୁର ଜଙ୍କସନରେ ନବବିବାହିତ ଯୋଡ଼ି ପହଞ୍ଚିଥିଲେ । ଦୁହେଁ ହନିମୁନରେ ଯିବାର ଥିଲା । ପତି ଜଣଙ୍କ ଟ୍ରେନରେ ଚଢ଼ିବା ପରେ ପତ୍ନୀ ପତିଙ୍କୁ ଧୋକ୍କା ଦେଇ ନିଜ ପ୍ରେମିକଙ୍କ ସାଙ୍ଗରେ ଫେରାଇ ହୋଇଯାଇଥିଲେ । ଏହି ଘଟଣାରେ ପତ୍ନୀଙ୍କ ବିରୋଧରେ ପତି ଥାନାରେ ମାମଲା ଦାୟର କରିଛନ୍ତି ।

ସାଧାରଣ ଭାବେ ବିବାହ ପରେ ନବ ଦମ୍ପତି ହନିମୁନକୁ ନେଇ ସବୁଠାରୁ ବେଶି ଉତ୍ସାହିତ ହୋଇଥାନ୍ତି । ତେବେ ଏପରି ସ୍ଥିତିରେ ଯଦି ଆପଣଙ୍କର ପାର୍ଟନର ଆପଣଙ୍କୁ ଧୋକ୍କା ଦେଇ ଅନ୍ୟ କାହା ସହ ଫେରାର ହୋଇଯିବେ, ତେବେ ଏ କ୍ଷେତ୍ରରେ ଆପଣ କ’ଣ କରିବେ? ବିବାହ କରିବା ପରେ ହନିମୁନରେ ବାହାରିଥିଲେ ଦମ୍ପତି । ମାତ୍ର ଷ୍ଟେସନରେ ସବୁ କିଛି ବଦଳି ଯାଇଥିଲା । ନିଜ ପ୍ରେମିକଙ୍କ ସହ ଫେରାର ହୋଇଯାଇଥିଲେ ପତ୍ନୀ । ପତ୍ନୀ ଚାଲିଯିବା ପରେ ବିଚରା ପତି ମୁଣ୍ଡ ପିଟିବା ଛଡ଼ା ଅନ୍ୟ କୌଣସି ବାଟ ନଥିଲା ।

ସୀତାମଢ଼ୀ ଜିଲ୍ଲାର ଅମିତ କୁମାର ଫେବୃଆରୀ ୨୧ରେ ହିନ୍ଦ ରୀତିନୀତି ଅନୁସାରେ ଶିବହର ଜିଲ୍ଲାର ବସନ୍ତପଟ୍ଟୀ ଥାନା ଅଞ୍ଚଳର ଖୁଶବୁ କୁମାରୀଙ୍କୁ ବିବାହ କରିଥିଲେ । ଦୁହେଁ ୩ ଦିନ ଧରି ଏକତ୍ର ରହିବା ପରେ ହନିମୁନରେ ବାହାରିଥିଲେ । ଫେବୃଆରୀ ୨ରେ ଦମ୍ପତି ବୋକାରେ ଷ୍ଟିଲ ସିଟି ଯିବା ପାଇଁ ସେମାନେ ମୁଜାଫରପୁର ରେଳ ଷ୍ଟେସନରେ ପହଞ୍ଚିଲେ । ମାତ୍ର ସେଠାରେ ଯାହା ଘଟିଥିଲା, ତାହା ବୋଧହୁଏ ଯୁବକଙ୍କ ଜୀବନର ସବୁଠାରୁ ଦୁର୍ଭାଗ୍ୟର ଦିନ ଥିଲା । ପ୍ଲାଟଫର୍ମକୁ ଟ୍ରେନ ଆସିବା ପରେ ଅମିତ ଦୌଡ଼ି ଯାଇ ସେଥିରେ ଚଢ଼ିଯାଇଥିଲେ । ସେ ପଛକୁ ଦେଖନ୍ତି ତ ପତ୍ନୀ ଗାଏବ ଥିଲେ । ଏହାପରେ ଅମିତ ଟ୍ରେନରୁ ଓହ୍ଲାଇ ଖୁଶବୁଙ୍କୁ ବହୁତ ଖୋଜିଥିଲେ, ମାତ୍ର ପାଇନଥିଲେ । ଏହାପରେ ଲୋକଲଜ୍ଜା ଭୟରେ ଅମିତ କାହାକୁ କିଛି କହିନଥିଲେ । ପରେ ଜାଣିବାକୁ ପାଇଥିଲେ ଯେ, ତାଙ୍କ ପତ୍ନୀ ଖୁଶବୁ ତାଙ୍କର ବୟଫ୍ରେଣ୍ଡଙ୍କ ସହ ଫେରାର ହୋଇଯାଇଛନ୍ତି । ଉଭୟେ ଅମିତ ଓ ଖୁଶବୁଙ୍କର ଏହା ଦ୍ବିତୀୟ ବିବାହ ଥିଲା । ଖୁବଶୁ ୧୦-୧୨ ହଜାର ଟଙ୍କା ଓ ୫୦-୬୦ ହଜାର ଟଙ୍କାର ଅଳଙ୍କାର ନେଇଯାଇଥିଲେ । ଏହି ଘଟଣାରେ ଅମିତ ଥାନାରେ ମାମଲା ଦାୟର କରିଛନ୍ତି ।