ଗିଲଙ୍କୁ ଆଉଟ୍ କରିବା ପରେ କରିଥିଲେ ଇଶାରା ଏବେ କୋହଲିଙ୍କୁ ନେଇ କହିଲେ ଏମିତି..

ନନ୍ଦିଘୋଷ ବ୍ୟୁରୋ: ଚାମ୍ପିୟନ୍ସ ଟ୍ରଫିର ଲିଗ ମ୍ୟାଚରେ ଭାରତ-ପାକିସ୍ତାନ ମ୍ୟାଚରେ ବେଶ ଚର୍ଚ୍ଚାରେ ରହିଥିଲେ ପାକିସ୍ତାନୀ ସ୍ପିନର ଅବରାର ଅହମ୍ମଦ । ଶୁଭମନ ଗିଲଙ୍କୁ କ୍ଲିନ ବୋଲ୍ଡ କରିବା ପରେ ଦେଇଥିବା ଇଶାରା ପାଇଁ ବହୁ ସମାଲୋଚନାର ଶିକାର ହୋଇଛନ୍ତି । ଏବେ ବିରାଟ କୋହଲିଙ୍କୁ ନେଇ ଦେଇଛନ୍ତି ବଡ଼ ପ୍ରତିକ୍ରିୟା । ଅବରାର ଅହମ୍ମଦ ଏବେ ବିରାଟ କୋହଲିଙ୍କ ବିଷୟରେ ଏକ ପୋଷ୍ଟ ସେୟାର କରିଛନ୍ତି। ବିରାଟଙ୍କ ବିଷୟରେ ସେ କହିଛନ୍ତି ଯେ ସେ ତାଙ୍କର ପିଲାଦିନର ହିରୋ ଏବଂ ତାଙ୍କୁ ବୋଲିଂ କରିବା ତାଙ୍କ ପାଇଁ ଏକ ଆଶ୍ଚର୍ଯ୍ୟଜନକ ଅଭିଜ୍ଞତା ହୋଇଛି। ଅବରାର ଏହା ମଧ୍ୟ କହିଛନ୍ତି ଯେ ପଡ଼ିଆ ଭିତରେ ହେଉ କି ପଡ଼ିଆ ବାହାରେ, ବିରାଟ କୋହଲି ସବୁଠି ଲୋକଙ୍କ ପାଇଁ ପ୍ରେରଣାର ଉତ୍ସ। ସେ ତାଙ୍କଠାରୁ ପାଇଥିବା ପ୍ରଶଂସା ପାଇଁ ନିଜକୁ କୃତଜ୍ଞତା ମଧ୍ୟ ପ୍ରକାଶ କରିଥିଲେ। ବିରାଟଙ୍କ ସହ ତାଙ୍କ ଫଟୋର ଏକ କୋଲାଜ୍ ସେୟାର କରିବା ସମୟରେ ଅବରାର ଏସବୁ କଥା କହିଥିଲେ।

https://www.instagram.com/abrarahmedpak01/?utm_source=ig_embed&ig_rid=c3a51c64-b029-459f-a251-3be59603c72c