ନନ୍ଦିଘୋଷ ବ୍ୟୁରୋ: ରାଜଧାନୀର ଏକାଧିକ ମେଡ଼ିସିନ ଦୋକାନରେ ଯାଞ୍ଚ । ଡ୍ରଗ୍ସ କଣ୍ଟ୍ରୋଲର ପକ୍ଷରୁ ନିଶା ମୁକ୍ତି ଅଭିଯାନ ଜରିଆରେ ଏହି ଯାଞ୍ଚ କରାଯାଇଛି। ବିଶେଷ କରି, ନିଶା ମେଡ଼ିସିନ ମହଜୁଦ ଆଉ ବିକ୍ରୟକୁ ନେଇ ଏହି ଯାଞ୍ଚ ଚାଲିଛି ।
ଡିପ୍ରେସନ୍ ତଥା ମାନସିକ ରୋଗୀଙ୍କ ପାଇଁ ଡାକ୍ତର ଏହି ନିଶା ମେଡ଼ିସିନ୍ ସବୁକୁ ପେସ୍କ୍ରାଇବ କରିଥାନ୍ତି । ତେବେ ବିନା ଡାକ୍ତରଙ୍କ ପରାମର୍ଶରେ ଏହି ଭଳି ମେଡ଼ିସିନ ବିକ୍ରି କରିବା ଏକ ଦଣ୍ଡନୀୟ ଅପରାଧ ଅଟେ । ହେଲେ କିଛି ମେଡ଼ିସିନ ଦୋକାନୀ ଏହି ନିୟମକୁ ଉଲଂଘନ କରିଥିବା ନଜରକୁ ଆସିଛି । ଏହାକୁ ନେଇ ଡ୍ରଗ୍ସ କଣ୍ଟ୍ରୋଲ ପକ୍ଷରୁ ଏହି ଯାଞ୍ଚ କରାଯାଇଛି । ରାଜଧାନୀରେ ଥିବା ମେଡ଼ିସିନ ଦୋକାନୀ କେତେ ନିଶା ମେଡ଼ିସିନ ଆଣୁଛନ୍ତି? କେତେ ବିକ୍ରି ହେଉଛି ? ଆଉ କେତେ ଦିନ ପର୍ଯ୍ୟନ୍ତ ଏହାର ବୈଧତା ରହିଛି ? ତାହାକୁ ନେଇ ତଦନ୍ତ କରାଯାଇଛି । ଯେଉଁମାନେ ନିୟମ ଉଲ୍ଲଙ୍ଘନ କରୁଥିବେ, ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଅଧିକାରୀଙ୍କ ପକ୍ଷରୁ ସୂଚନା ଦେଇଛନ୍ତି ।
