ଅଲଗା ହେବାକୁ ନୋଟିସ୍ ପଠାଇଥିଲେ କି ସୁନିତା ? ଏମିତି କହିଲେ ଗୋବିନ୍ଦା..

ନନ୍ଦିଘୋଷ ବ୍ୟୁରୋ: ବଲିଉଡର ଜଣାଶୁଣା ଅଭିନେତା ଗୋବିନ୍ଦା ଏବଂ ପତ୍ନୀ ସୁନିତାଙ୍କ ମଧ୍ୟରେ ଛାଡ଼ପତ୍ର ହେବାକୁ ଯାଉଛି । ଏଭଳି ଏକ ଖବର ଏବେ ଗଣମାଧ୍ୟମରେ ବେଶ ଚର୍ଚ୍ଚାର ବିଷୟ ପାଲଟିଛି । ୩୭ ବର୍ଷର ସମ୍ପର୍କରେ ପଡ଼ିବାକୁ ଯାଉଛି ପୂର୍ଣ୍ଣଚ୍ଛେଦ । ତେବେ ଏବେ ଶୁଣିବାକୁ ମିଳୁଛି କି, ଗୋବିନ୍ଦାଙ୍କୁ ଅଲଗା ହେବାକୁ ନୋଟିସ ପଠାଇଥିଲେ ସୁନିତା । ଯାହାକୁ ନେଇ ଗୋବିନ୍ଦାଙ୍କୁ ପଚରା ଯାଇଥିବା ପ୍ରଶ୍ନକୁ ସେ ଏଡ଼ାଇ ଦେଇଥିଲେ । ଏନେଇ କୌଣସି ପ୍ରତିକ୍ରିୟା ଦେଇନଥିବାବେଳେ ଆଗକୁ ଫିଲ୍ମ କରିବାକୁ ଯୋଜନା କରୁଥିବା ନେଇ କହି ଏଡ଼ାଇ ଦେଇଥିଲେ ।

ଗୋବିନ୍ଦା ଏବେ ଏକ ଫିଲ୍ମ ନିର୍ମାଣ କରୁଥିବାବେଳେ ଅନେକ କଳାକାର ତାଙ୍କ ଅଫିସକୁ ଯିବା ଆସିବା କରୁଛନ୍ତି । ତେବେ ଜଣେ ୩୦ ବର୍ଷୀୟ ମରାଠୀ ଅଭିନେତ୍ରୀଙ୍କ ସହ ଗୋବିନ୍ଦାଙ୍କ ସମ୍ପର୍କ ରହିଥିବା ଖବର ମଧ୍ୟ ଶୁଣିବାକୁ ମିଳୁଛି । ଯେଉଁ କାରଣରୁ ପତ୍ନୀ ସୁନିତା ଛାଡ଼ପତ୍ର ଦେଉଥିବା ମଧ୍ୟ କୁହାଯାଉଛି । ମାତ୍ର ଏନେଇ ଏଯାବତ କେହି ମଧ୍ୟ ଗଣମାଧ୍ୟମକୁ ପ୍ରତିକ୍ରିୟା ଦେଇନାହାନ୍ତି ।