ଜର୍ମାନୀର ପରବର୍ତ୍ତୀ ଚାନ୍ସେଲର ଫ୍ରେଡରିକ୍ ମର୍ଜ କିଏ, ଜାଣନ୍ତୁ ..

ନନ୍ଦିଘୋଷ ବ୍ୟୁରୋ: ଫ୍ରେଡରିକ୍ ମର୍ଜ ହେବେ ଜର୍ମାନୀର ପରବର୍ତ୍ତୀ ଚାନ୍ସେଲର। ଜର୍ମାନୀ ସାଧାରଣ ନିର୍ବାଚନରେ ଫ୍ରେଡରିକ ମର୍ଜଙ୍କ ବିଜୟ ହୋଇଛି । ବିରୋଧୀ ଦଳ ନେତା ଥିଲେ ଫ୍ରେଡରିକ୍ ମର୍ଜ। ଖୁବଶୀଘ୍ର ଗଢିବେ ଦେଶରେ ନୂଆ ସରକାର। ସେପଟେ ପରାଜୟକୁ ସ୍ଵୀକାର କରିଛନ୍ତି ବର୍ତ୍ତମାନର ଚାନ୍ସେଲର ଓଲାଫ ସ୍କୋଲାଜ। ସାଧାରଣ ନିର୍ବାଚନରେ ଚାନ୍ସେଲର ଓଲାଫ ସ୍କୋଲାଜଙ୍କୁ ନେଇ ଥିବା ଅସନ୍ତୋଷ ପ୍ରତିଫଳିତ ହୋଇଛି । ଫଳରେ ଫ୍ରେଡରିକ ପରବର୍ତ୍ତୀ ଚାନ୍ସେଲର ହେବା ନେଇ ବାଟ ସଫା ହୋଇ ଯାଇଥିଲା । ଚାନ୍ସେଲର ଓଲାଫ ସ୍କୋଲ୍ଜ ନିଜ ଦଳର ପରାଜୟ ସ୍ଵୀକାର କରିବା ସହ ମର୍ଜଙ୍କୁ ଶୁଭେଚ୍ଛା ଜଣାଇଛନ୍ତି । ଦଳର ନିର୍ବାଚନ ପରିଣାମ ଅତି ଖରାପ ହୋଇଛି । ଏଥିଲାଗି ସମସ୍ତ ଦୋଷ ନିଜେ ମୁଣ୍ଡାଇଛନ୍ତି ଓଲାଫ । ଚାନ୍ସେଲର ଭାବେ ନିର୍ବାଚିତ ହେବା ପରେ ଫ୍ରେଡରିକଙ୍କ ପାଇଁ ଏହା ଏକ ବଡ଼ ଉପଲବ୍ଧୀ କୁହାଯାଉଛି । ଚାନ୍ସେଲର ଭାବେ ନିର୍ବାଚିତ ହେବା ପରେ ଫ୍ରେଡରିକ ମର୍ଜଙ୍କୁ ଶୁଭେଚ୍ଛା ଜଣାଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ସୋସିଆଲ ମିଡିଆ ଏକ୍ସରେ ମେସେଜ ପୋଷ୍ଟ କରି ଟ୍ରମ୍ପ କରିଛନ୍ତି ଜର୍ମାନୀ ପାଇଁ ଏହା ଏକ ମହାନ ଦିନ।