ପ୍ରୟାଗରାଜ ମହାକୁମ୍ଭରେ ପୁଣି ଅଗ୍ନିକାଣ୍ଡ

ନନ୍ଦିଘୋଷ ବ୍ୟୁରୋ: ପ୍ରୟାଗରାଜ ମହାକୁମ୍ଭରେ ପୁଣି ଅଘଟଣ। ସେକ୍ଟର ୧୮ ଶଙ୍କରାଚାର୍ଯ୍ୟ ମାର୍ଗରେ ଭୟାବହ ଅଗ୍ନିକାଣ୍ଡ ଘଟିଛି। ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି। ଏପର୍ଯ୍ୟନ୍ତ କ୍ଷୟକ୍ଷତିର ଆକଳନ କରାଯାଇପାରିନାହିଁ।

ସୂଚନା ଅନୁଯାୟୀ, ଏହି ଅଗ୍ନିକାଣ୍ଡରେ କେହି ମୃତାହତ ହେବାର ସୂଚନା ମିଳି ନାହିଁ। ତୁଳସୀ ଚଉରା ଅଞ୍ଚଳରେ ଏହି ଅଗ୍ନିକାଣ୍ଡ ହୋଇଛି । କୁହାଯାଉଛି ଯେ, କିଛି ଲୋକ ଶୀତରୁ ରକ୍ଷା ପାଇଁବା ପାଇଁ ନିଆଁ ପୁଇଁଥିଲେ । ଏହାପରେ ସେ ନିଆଁ ନ ଲିଭାଇ ସେଠାରୁ ଚାଲିଯାଇଥିଲେ । ପବନ ଯୋଗୁଁ ନିଆଁ ଧାସ ଯାଇ ଟେଣ୍ଟରେ ଲାଗିଥିଲା । ତାପରେ ଟେଣ୍ଟରେ ନିଆଁ ଦେଖୁଦେଖୁ ବ୍ୟାପିଯାଇଥିଲା । ସେଠାରେ ଉପସ୍ଥିତ ଥିବା ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା । ଖବର ପାଇଁ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । କିନ୍ତୁ ସେତେବେଳକୁ ଗୋଟିଏ ଟେଣ୍ଟ ଜଳିଯାଇଥିଲା । ତମ୍ୱୁ ଭିତରେ ଥିବା ଜିନିଷପତ୍ର ମଧ୍ୟ ପୋଡିଜଳି ପାଉଁଶ ହୋଇଯାଇଛି ।

ଏହା ଆଗରୁ ମଧ୍ୟ ଗତ ସପ୍ତାହରେ ନିଆଁ ଲାଗି ୧୫ରୁ ଅଧିକ ଟେଣ୍ଟ ପୋଡ଼ି ଯାଇଥିଲା। ଅନ୍ୟପଟେ ମୌନି ଅମାବାସ୍ୟା ଦିନରେ ଅମୃତ ସ୍ନାନ ବେଳେ ଦଳାଚକଟାରେ ୩୦ରୁ ଅଧିକ ଲୋକଙ୍କ ମୃତ୍ୟୁ ହୋଇଥିଲା। ଶତାଧିକ ଆହତ ହୋଇଥିଲେ।