ଓଡ଼ିଶାରେ ଷୋଡଶ ଅର୍ଥ କମିଶନ: ବିଜେଡି କହିଲା ରାଜ୍ଯ ସ୍ବାର୍ଥ ଦାବି ରଖାଯିବ

ଭୁବନେଶ୍ବର:  ୪ ଦିନିଆ ଓଡିଶା ଗସ୍ତରେ ଆସି ପହଞ୍ଚିଛନ୍ତି ଷୋଡଶ ଅର୍ଥ କମିଶନ । ଡକ୍ଟର ଅରବିନ୍ଦ ପାନଗେରିଆଙ୍କ ଅଧ୍ୟକ୍ଷତାରେ ୧୫ ଜଣିଆ ସଦସ୍ୟ ଭୁବନେଶ୍ୱରରେ ପହଞ୍ଚିଛନ୍ତି । ଆଜି ଖଣ୍ଡଗିରି, ଉଦୟଗିରି ସହ କଳାଭୂମି ବୁଲିବେ କମିଶନ ସଦସ୍ୟ । ଆସନ୍ତାକାଲି ପୁରୀ ଯାଇ ଜଗନ୍ନାଥଙ୍କୁ ଦର୍ଶନ କରିବା ସହ କୋଣାର୍କ ମଧ୍ୟ ବୁଲିବେ । ୬ ତାରିଖରେ ମୁଖ୍ୟମନ୍ତ୍ରୀ ଓ ରାଜ୍ୟ ସରକାରଙ୍କ ପ୍ରମୁଖ ଅଧିକାରୀଙ୍କ ସହ ବୈଠକ ରହିଛି । ସେହିଦିନ ଅର୍ଥ କମିଶନ ଓ ମୁଖ୍ୟମନ୍ତ୍ରୀଙ୍କ ମିଳିତ ସାମ୍ବାଦିକ ସମ୍ମିଳନୀ ରହିଛି ।

ସେପଟେ ବିଜେଡି କହିଛି, ଷୋଡ଼ଶ ଅର୍ଥ କମିଶନଙ୍କ ଆଗରେ ରାଜ୍ଯ ସ୍ବାର୍ଥ ଦାବି ରଖାଯିବ । ବିଜେଡି ପୂର୍ବରୁ କେନ୍ଦ୍ର ନିକଟରେ ଯେଉଁ ଦାବି ରଖି ଆସିଛି ସେହିସବୁ ଦାବି କମିଶନଙ୍କ ଆଗରେ ପୁଣି ରଖାଯିବ ବୋଲି କହିଛନ୍ତି ବରିଷ୍ଠ ବିଜେଡି ନେତା ତଥା ପୂର୍ବତନ ସାଂସଦ ଅମର ପଟ୍ଟନାୟକ । ୬ ତାରିଖ ଅପରାହ୍ନରେ କମିଶନ ରାଜନୈତିକ ଦଳଙ୍କୁ ଭେଟି ଆଲୋଚନା କରିବେ । ସେହି ବୈଠକରେ ବିଜେଡି ପୂର୍ବର ସବୁ ରାଜ୍ୟ   ସ୍ବାର୍ଥ ପ୍ରସଙ୍ଗ ଉଠାଇବ । ଏଥିରେ କୌଣସି ଦ୍ବିମତ ନାହିଁ ବୋଲି ଗଣମାଧ୍ଯମକୁ କହିଛନ୍ତି ଅମର । ଗତ ବୈଠକରେ ବିଜେଡି ସଭାପତି ଏ ସଂପର୍କରେ ଆଲୋଚନା କରିସାରିଛନ୍ତି ।