ବିଜେପି ବିଧାୟକ ଆକାଶ ଦାସ ନାୟକଙ୍କ ବିଲ ପାସ ବୟାନକୁ ନେଇ ତେଜିଲା ବିବାଦ

ଭୁବନେଶ୍ବର : କୋରେଇ ବିଜେପି ବିଧାୟକ ଆକାଶ ଦାସ ନାୟକଙ୍କ ବିଲ ପାସ ବୟାନକୁ ନେଇ ତେଜିଲା ବିବାଦ । ବହୁ ଜନକଲ୍ୟାଣ ଯୋଜନାର ବିଲକୁ ବିଜେପି ସରକାର ଅଟକାଇଦେଇଛନ୍ତି । ବିକାଶମୂଳକ କାମ ପରେ ବିଲ୍ ପାସ ନହେବା ଦୁଃଖ ଦାୟକ । ଜାଣିଶୁଣି ବିଜେପି ବିଲ୍ ପାସ୍ କରୁନି ବୋଲି ବିଜେଡି ଅଭିଯୋଗ କରିଛି । ସରକାରଙ୍କ ଏପରି ଆକ୍ରୋଶମୂଳକ ଆଭିମୁଖ୍ୟକୁ ଲୋକେ ବିରୋଧ କରିବେ l ବିଜେଡି ବିଧାନସଭାରେ ଏ ପ୍ରସଂଗ ଉଠାଇବ ବୋଲି କହିଛନ୍ତି ଦଳୀୟ ବିଧାୟକ ମନୋହର ରନ୍ଧାରୀ l ସେହିପରି କଂଗ୍ରେସ ମଧ୍ଯ ସମାନ ଅଭିଯୋଗ କରିଛି । ଆକ୍ରୋଶମୂଳକ ଭାବେ ବିଲ ପାସ କରାଯାଉ ନାହିଁ ବୋଲି କହିଛି କଂଗ୍ରେସ । ପୂର୍ବ ସରକାରରେ ହୋଇଥିବା ଅନେକ ବିକାଶମୂଳକ କାମର ବିଲ ପାସ କରାଯାଉନାହିଁ l ରାଜନୈତିକ ଆକ୍ରୋଶ ରଖି କାମ ପରେ ବି ବିଲ ପାସ ହେଉନାହିଁ l ସାରା ଓଡ଼ିଶାରେ ସରକାର ପରିବର୍ତ୍ତନ ହେବା ପରେ ବିକାଶ କାମ ଠପ ହୋଇପଡିଛି l କାମ ହେବା ପରେ ବିଲ୍ ପଡ଼ିକି ରହୁଛି l ଦଳୀୟ ଭିତ୍ତିରେ କାମ କରୁଛି ବିଜେପି l ବାରମ୍ୱାର ବିରୋଧୀ ଦଳ ଭାବେ କଂଗ୍ରେସ ଏହି ପ୍ରସଙ୍ଗ ଉଠାଉଛି । ଆଗକୁ ମଧ୍ୟ ଦଳ ଉଠାଇବ l ଦଳୀୟ ଭିତ୍ତିରେ କାମ କରୁଛନ୍ତି ବିଜେପି l ବିକାଶମୂଳକ କାମରେ ରାଜନୀତି ନହେବା ଦରକାର ବୋଲି କହିଛନ୍ତି କଂଗ୍ରେସ ବିଧାୟକ ମଙ୍ଗୁ ଖିଲ ।