ଚିକିଟିରେ ୪ ଜଣଙ୍କୁ ଅପହରଣ ମାମଲାରେ ୨ ଜଣ ଗିରଫ

ଚିକିଟି: ଚିକିଟିରେ ୪ ଜଣଙ୍କୁ ଅପହରଣ କରି ୨ କୋଟି ଦାବି ଘଟଣାରେ କାର୍ଯ୍ୟାନୁଷ୍ଠାନ। ୨ ଜଣଙ୍କୁ ଗିରଫ କଲା କେ.ନୂଆଗାଁ ଥାନା ପୋଲିସ। ଅପହରଣ ଘଟଣାରେ ଅଟକ ଥିବା ଭୋଳାସିଙ୍ଗି ଗାଁର ପୃଥ୍ବୀରାଜ ସାହୁ ଓ ସୁନୀତା ବେହେରା ନାମକ ଜଣେ ମହିଳାଙ୍କୁ ଗିରଫ କରାଯାଇଛି। ଉଭୟଙ୍କୁ ଆଜି କୋର୍ଟ ଚାଲାଣ କରାଯିବ। ସୁନୀତାଙ୍କ ଘର ପଛପଟେ ଥିବା ପ୍ରାୟ ଏକରରୁ ଅଧିକ ଜମିରେ ଗଞ୍ଜେଇ ଗଛକୁ ନଷ୍ଟ କରିଛି ପୋଲିସ ଓ ଅବକାରୀ ବିଭାଗ। ରବିବାର ରାତିରେ ଚିକିଟିଗଡରେ ଥିବା ଏକ ଭଙ୍ଗାଦଦରା ଘରୁ ୪ ଜଣଙ୍କୁ ଉଦ୍ଧାର କରାଯାଇଥିଲା। ଚାରି ଜଣଙ୍କୁ ଭଙ୍ଗାଦଦରା ଘରେ ରଖି ନାଗସାପ ଦେଖାଇ ୨ କୋଟି ଟଙ୍କା ମାଗିଥିଲେ ଅଭିଯୁକ୍ତ।