୪ ଓଡ଼ିଆଙ୍କୁ ପଦ୍ମଶ୍ରୀ: ପଦ୍ମ ପୁରସ୍କାର-୨୦୨୫ ଘୋଷଣା କଲେ କେନ୍ଦ୍ର ସରକାର

ଭୁବନେଶ୍ବର: ଚଳିତ ବର୍ଷର ପଦ୍ମପୁରସ୍କାର ଘୋଷଣା। ପଦ୍ମ ପୁରସ୍କାର-୨୦୨୫ ଘୋଷଣା କରିଛନ୍ତି କେନ୍ଦ୍ର ସରକାର। ଗୃହ ମନ୍ତ୍ରାଳୟ ପକ୍ଷରୁ ଘୋଷଣା ତାଲିକାରେ ମୋଟ ମୋଟ ୧୩୯ ଜଣଙ୍କୁ ନାମ ଘୋଷଣା କରାଯାଇଛି। ସେଥି ମଧ୍ୟରେ ୭ ଜଣଙ୍କୁ ପଦ୍ମ ବିଭୂଷଣ, ୧୯ ଜଣଙ୍କୁ ପଦ୍ମ ଭୂଷଣ ଏବଂ ୧୧୩ ଜଣ ପାଇବେ ପଦ୍ମଶ୍ରୀ ପୁରସ୍କାର। ସୁଜୁକୀ ମୋଟରର ପୂର୍ବତନ ସିଇଓ ଓସାମୁ ସୁଜୁକି, ସୁପ୍ରିମକୋର୍ଟ ପୂର୍ବତନ ଜଷ୍ଟିସ ଜେଏସ ଖେହର, ମାଲାୟଲାମ ସାହିତ୍ୟରେ ଏମଟି ବାସୁଦେବନ ନାୟର, ପ୍ରଖ୍ୟାତ ଗାୟିତା ଶାରଦା ସିହ୍ନା ପଦ୍ମ ବିଭୂଷଣ ପୁରସ୍କାର ପାଇବାକୁ ଘୋଷଣା କରାଯାଇଛି। ପଦ୍ମଶ୍ରୀ ପୁରସ୍କାର ପାଇଥିବା ୧୧୩ ଜଣଙ୍କ ମଧ୍ୟରେ ଅଛନ୍ତି ୪ ଓଡ଼ିଆ। ବିଶିଷ୍ଟ ଡାକ୍ତର ଅଶୋକ କୁମାର ମହାପାତ୍ରଙ୍କ ନାଁ ଘୋଷଣା କରାଯାଇଛି। ସେହିପରି ଭାସ୍କର୍ଯ୍ୟ କଳା ଲାଗି ଶିଳ୍ପୀ ଅଦ୍ଵୈତ ଚରଣ ଗଡନାୟକଙ୍କ ନା ଘୋଷଣା କରାଯାଇଛି। କଳାକ୍ଷେତ୍ରରେ ଓଡ଼ିଶୀ ନୃତ୍ୟୁଗୁରୁ ଦୁର୍ଗାଚରଣ ରଣବୀର ଏବଂ ସାହିତ୍ୟ ଓ ଶିକ୍ଷା କ୍ଷେତ୍ରରେ ପ୍ରତିଭା ଶତପଥୀଙ୍କ ନାଁ ଘୋଷଣା କରାଯାଇଛି ।