ସଂସଦୀୟ ଓବିସି କମିଟିକୁ ଭେଟି ଜାତିଭିତ୍ତିକ ଜନଗଣନା ଦାବି କଲା ବିଜେଡି

ଭୁବନେଶ୍ୱର : ରାଜ୍ୟରେ ଜାତିଭିତିକ ଜନଗଣନା ଦାବି କଲା ବିଜେଡି। ଭୁବନେଶ୍ୱରରେ ସଂସଦୀୟ ଓବିସି କମିଟି ବୈଠକ ଚାଲିଥିବା ବେଳେ ଆଜି ବିଜେଡିର ଏକ ୧୩ ଜଣିଆ ପ୍ରତିନିଧି ଦଳ ସଂସଦୀୟ ଓବିସି ମଙ୍ଗଳ କମିଟି ଅଧକ୍ଷଙ୍କୁ ଭେଟିଛନ୍ତି। ବିଜେଡିର ଟିମରେ ରାଜ୍ୟସଭା ସାଂସଦ ଶୁଭାଶିଷ ଖୁଣ୍ଟିଆ, ବିଧାୟକ ଅରୁଣ ସାହୁ, ସାରଦା ଜେନା, ସୁଶାନ୍ତ ରାଉତ, ଅନନ୍ତ ନାରାୟଣ ଜେନା, ଧୃବ ସାହୁ, ପ୍ରଶାନ୍ତ ବେହେରା,ରଣେନ୍ଦ୍ର ପ୍ରତାପ ସ୍ବାଇଁ ପୂର୍ବତନ ମନ୍ତ୍ରୀ ପ୍ରତାପ ଜେନା ଓ ବିଜେଡି ମୁଖପାତ୍ର ପ୍ରିୟବ୍ରତ ମାଝୀ ସାମିଲ ଥିଲେ। ରାଜ୍ୟ ସ୍ବାର୍ଥ ସମ୍ବଳିତ ବିଭିନ୍ନ ପ୍ରସଙ୍ଗରେ ଆଲୋଚନା କରିଛନ୍ତି। ସାରା ଦେଶରେ ୫୨ ପ୍ରତିଶତ ଲୋକ ହେଉଛନ୍ତି ପଛୁଆବର୍ଗର। ମାତ୍ର ସେଥିମଧ୍ୟରୁ ୨୭ ପ୍ରତିଶତ ପଛୁଆବର୍ଗ ସଂରକ୍ଷଣ ସମସ୍ତଙ୍କୁ ନ୍ୟାୟ ଦେବା ପାଇଁ ଯଥେଷ୍ଟ ହେଉନାହିଁ। ତେଣୁ ଓବିସିଙ୍କ ବିକାଶ ପାଇଁ ରାଜ୍ୟରେ ଜାତିଭିତିକ ଜନଗଣନା ଆବଶ୍ୟକ। ଯାହା ପଛୁଆଁବର୍ଗଙ୍କ ସାମାଜିକ ଏବଂ ଅର୍ଥନୈତିକ କ୍ଷେତ୍ରରେ ବିକାଶରେ ଅଧିକ ସହାୟକ ହେବ ବୋଲି କହିଛି ବିଜେଡି।