ପୁଣି ଚୀନର ନୂଆ ଚାଲ୍, LACରେ କରୁଛି ମିଲିଟାରୀ ଡ୍ରିଲ

ନନ୍ଦିଘୋଷ ବ୍ୟୁରୋ: ବଢୁଛି ଚୀନର ପ୍ରାଦୁର୍ଭାବ । ଭାରତ ଉପରେ ପକାଉଛି ଲୋଲୁପ ଦୃଷ୍ଟି । ଗୋଟେପଟେ ଦେଶ ସେନା ଦିବସ ପାଳନ ପ୍ରସ୍ତୁତିରେ ଲାଗିପଡିଛି, ସେପଟେ ଚୀନ ନିଜର ପୁରୁଣା ରଙ୍ଗ ଦେଖେଇବା ଆରମ୍ଭ କଲାଣି । ଚୀନ LACରେ ଯୁଦ୍ଧ ଡ୍ରିଲ ଆରମ୍ଭ କଲାଣି । ଚୀନର ସେନା ପିପୁଲ୍ସ ଲିବରେସନ୍ ପାର୍ଟିର ସିନଜିଆଙ୍ଗ ମିଲିଟାରୀ କମାଣ୍ଡର ରେଜିମେଣ୍ଟ ନେତୃତ୍ବରେ ଯୁଦ୍ଧାଭ୍ୟାସ କରୁଥିବା ଜଣାପଡିଛି । ଚୀନ ଏହି କମ୍ବାଟ ଡ୍ରିଲରେ ଯୁଦ୍ଧ ବାହାନ ସମେତ ଅତ୍ୟାଧୁନିକ ଯୁଦ୍ଧାସ୍ତ୍ରର ବ୍ୟବହାର କରୁଥିବା ସୂଚନା ମିଳିଛି । ଭାରତ ଏବଂ ଚୀନ ମଧ୍ୟରେ ଶାନ୍ତି ପ୍ରତିଷ୍ଠା ନେଇ ଚୁକ୍ତି ହୋଇଥିଲେ ବି ଚୀନର ଏଭଳି କାର୍ଯ୍ୟକଳାପ ଭାରତକୁ ଚିନ୍ତାରେ ପକାଇଦେଇଛି ।

ଭାରତ ଏବଂ ଚୀନ ମଧ୍ୟରେ LACରୁ ନିଜର ସେନାକୁ ପ୍ରତ୍ୟାହୃତ କରିନେବା ଏବଂ ପାଟ୍ରୋଲିଂ ଆରମ୍ଭ କରିବା ନେଇ ୨୧ଅକ୍ଟୋବର ୨୦୨୪ରେ ଏକ ଚୁକ୍ତି ହୋଇଥିଲା । ଏହି ଚୁକ୍ତି ଅନୁଯାୟୀ ୨୦୨୦ରେ ଗଲୱାନ ଘାଟିରେ ଦୁଇ ଦେଶର ସେନା ମଧ୍ୟରେ ହୋଇଥିବା ବିବାଦର ଅନ୍ତ କରିବା ଉଦ୍ଦେଶ୍ୟରେ ହୋଇଥିଲା । ଏହି ଚୁକ୍ତି ପରେ ଦୁଇ ଦେଶ ଦେପସାଙ୍ଗ ଏବଂ ଡେମଚୋକ ଭଳି ସମ୍ବେଦନଶୀଳ ଅଞ୍ଚଳରୁ ନିଜ ସେନାକୁ ପ୍ରତ୍ୟାହୃତ କରିବାକୁ ନିଷ୍ପତ୍ତି ନେଇତିଲେ । ଭାରତର NSA ଅଜିତ ଡୋଭାଲ ଏବଂ ଚୀନର ବୈଦେଶିକ ମନ୍ତ୍ରୀ ଙ୍କ ମଧ୍ୟରେ ଏକ ଉଚ୍ଚସ୍ତରୀୟ ବୈଠକ ପରେ ଏହି ଚୁକ୍ତି ହୋଇଥିଲା ।

ଏହି ଚୁକ୍ତି ପରେ ବି ଦୁଇ ଦେଶ ମଧ୍ୟରେ ଅନିଶ୍ଚିତତା ଲାଗିରହିଛି । ଦୁଇ ଦେଶ କଠିନ ପରିସ୍ଥିତି ମଧ୍ୟରେ ବି ବହୁ ସଂଖ୍ୟାରେ ନିଜ ନିଜ ସେନାକୁ ମୁତୟନ କରିଛନ୍ତି । ଚୀନର ଏହି ଯୁଦ୍ଧ ଡ୍ରିଲ ଟ୍ରେନିଂର ଅଂଶ ନୁହେଁ । ଚୀନ ନିଜର କୁଟନୈତିକ ନୀତି ଯୋଗୁ ଏଭଳି କରୁଛି । ସେ ବିବାଦୀୟ ଅଞ୍ଚଳରେ ବଡ ସଂଖ୍ୟାର ସେନା ମୁତୟନ କରୁଛି । ଉଦାହରଣସ୍ବରୂପ ଏକ୍ସୋସ୍କେଲଟନର ବ୍ୟବହାରରେ ଚୀନ ସୈନିକ ମାନଙ୍କୁ ଉଚ୍ଚ ସ୍ଥାନମାନଙ୍କରେ ଫଶଇଦା ମିଳୁଛି । ଏବଂ ସେମାନେ ସହଜରେ ସେଠାରେ ଯୁଦ୍ଧାଭ୍ୟାସ କରିପାରୁଛନ୍ତି । ଏଭଳି ପରିସ୍ଥିତିରେ ଭାରତକୁ ସତର୍କତା ଅବଲମ୍ବନ କରିବା ନିହାତି ଜରୁରୀ ଅଟେ । ଚୀନକୁ ଟକ୍କର ଦେବା ପାଇଁ ଭାରତ ମଦ୍ୟ ସବୁ ପ୍ରକାରର ଚେଷ୍ଟା କରୁଛି । ଡେମଚକ ଏବଂ ଦେପସାଙ୍ଗରେ ଚୀନର ଏଭଳି ପ୍ରୟାସ ଉଭୟ ଦେଶ ପାଇଁ ବିପଦଜନ୍ନକ ଅଟେ ।