କାର୍ଯ୍ୟକାଳ ସରିବା ପୂର୍ବରୁ କାହିଁକି ରଘୁବରଙ୍କୁ ବିଦା କରାଗଲା: ଅରୁଣ ସାହୁ

ନୟାଗଡ଼: ପୂର୍ବତନ ରାଜ୍ୟପାଳ ଓ ବିଜେପିକୁ କଡ଼ା ଭାଷାରେ ସମାଲୋଚନା କରିଛନ୍ତି ବରିଷ୍ଠ ବିଜେଡି ନେତା ତଥା ବିଧାୟକ ଅରୁଣ ସାହୁ । କାର୍ଯ୍ୟକାଳ ପୂରିବା ପୂର୍ବରୁ ରଘୁବରଙ୍କୁ କାହିଁକି ବିଦା କରାଗଲା ବୋଲି ପ୍ରଶ୍ନ କରିଛନ୍ତି ଅରୁଣ ।

୩୦ଟି ଜିଲ୍ଲା ବୁଲି ସେ ଲୋକଙ୍କ କେଉଁ ଅଭିଯୋଗ ଶୁଣିଥିଲେ ? ଅଭିଯୋଗ ଶୁଣିଥିଲେ ନା ବିଜେପି ପାଇଁ ପ୍ରଚାର କରୁଥିଲେ ? କଣ ଅଭିଯୋଗ ଶୁଣିଥିଲେ ପ୍ରଶ୍ନ କରିଛନ୍ତି । ଏହାସହ ପୂର୍ବତନ ରାଜ୍ୟପାଳ ଶୁଣିଥିବା ଅଭିଯୋଗର ତାଲିକା ସରକାର ପ୍ରକାଶ କରିବା ସହ ତାହାର ସମାଧାନ କରନ୍ତୁ ବୋଲି ଅରୁଣ ଦାବି କରିଛନ୍ତି ।

ସେ ଆହୁରି କହିଛନ୍ତି, ତାଙ୍କ ପୁଅ ମାଡ଼ ମାରିଲେ, ହେଲେ କାର୍ଯ୍ୟାନୁଷ୍ଠାନ ହେଲାନି । ଏବେ ତାଙ୍କ ପୁଅଙ୍କୁ ଡାକି ପୋଲିସ ପଚରା ଉଚୁରା କରିବା ସହ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ଦାବି କରିଛନ୍ତି ଅରୁଣ । ରଘୁବର ଦାସଙ୍କୁ ନିର୍ବାଚନର କିଛି ମାସ ଆଗରୁ ଅକ୍ଟୋବର ୨୦୨୩ରେ ଓଡ଼ିଶାର ରାଜ୍ୟାପାଳ ଭାବେ ନିଯୁକ୍ତ କରାଯାଇଥିଲା । ଭୋଟର ଠିକ୍ ଆଗରୁ ସେ ସାରା ରାଜ୍ୟ ବୁଲିଥିଲେ । ଲୋକଙ୍କଠାରୁ ଅଭିଯୋଗ ଶୁଣିଥିଲେ ବୋଲି କୁହାଯାଇଥିଲା । ହେଲେ ଗତ ଡିସେମ୍ଵରରେ ତାଙ୍କୁ ପଦରୁ ହଟାଇଥିଲେ କେନ୍ଦ୍ର ସରକାର । କିଛି ଦିନ ତଳେ ସେ ପୁଣି ବିଜେପିରେ ସକ୍ରିୟ ଭାବେ ଯୋଗ ଦେଇଛନ୍ତି । ଯାହାକୁ ନେଇ ସମାଲୋଚନା କରିଛନ୍ତି ଅରୁଣ ।