ବାଘ ଆତଙ୍କ, ସନ୍ଧ୍ୟା ପରେ ଘରୁ ବାହାରୁ ନାହାନ୍ତି ଲୋକେ

ଗଞ୍ଜାମ: ଦିଗପହଣ୍ଡି ଅଞ୍ଚଳରେ ବାଘ ଆତଙ୍କ । ସଞ୍ଜ ନଇଁଲେ ଘରୁ ବାହାରିବାକୁ ଭୟ କରୁଛନ୍ତି ଲୋକେ । ସିସିଟିଭିରେ ବନ୍ୟ ଜନ୍ତୁ ଭିଡିଓ କଏଦ ହେବା ପରେ ସ୍ଥାୟୀନ ଲୋକଙ୍କ ମଧ୍ୟରେ ଭୟର ବାତାବରଣ । କିଛିଦିନ ହେଲା ଦୁଇ ଦୁଇ ଥର ସିସିଟିଭିରେ କଏଦ ହେଲାଣି ବନ୍ୟ ଜନ୍ତୁ ଫୋଟୋ । ଭିଡିଓ ଭାଇରଲ ହେବା ପରେ ବାଘ ଗୁଜବ ଲୋକଙ୍କୁ ଭୟଭୀତ କରିଛି । ଖବର ଦେବା ପରେ ମଧ୍ୟ ବନ ବିଭାଗ ନୀରବ ଥିବା ଲୋକେ ଅଭିଯୋଗ କରିଛନ୍ତି ।

ସୂଚନାଯୋଗ୍ୟ, ଦିଗପହଣ୍ଡିର ସିମାଞ୍ଚଳ ପ୍ରଧାନଙ୍କ ଘରେ ଲାଗିଥିବା ସିସିଟିଭିରେ ଏକ ବନ୍ୟଜନ୍ତୁର ଭିଡିଓ କଏଦ ହୋଇଛି । ତେବେ ଏହା ବାଘ ନା ଅନ୍ୟ କୌଣସି ଜନ୍ତୁ ତାହା ବର୍ତ୍ତାମାନ ସୁଦ୍ଧା ସ୍ପଷ୍ଟ ହୋଇନି । କିଛିଦିନ ତଳେ ଦିଗପହଣ୍ଡି ସାନଖେମୁଣ୍ଡି ଅଞ୍ଚଳରେ ମହାବଳ ବାଘ ବୁଲୁଥିବା ଦେଖିବାକୁ ମିଳିଥିଲା ।