ଭୁବନେଶ୍ବର : ଅନ୍ଧାରୁଆ ମା‘ ଫୁଲବତୀ ଆଦିବାସୀ କ୍ଲବ୍ ପକ୍ଷରୁ ଆୟୋଜିତ ହେଉଥିବା ୩୦ତମ ବାର୍ଷିକ ଫୁଟବଲ ଟୁର୍ଣ୍ଣାମେଣ୍ଟ୍ ପ୍ରତିଯୋଗୀତା ଜାନୁଆରୀ ୧୦ ତାରିଖରୁ ଆରମ୍ଭ ହୋଇଛି। ତିନି ଦିନ ଧରି ଚାଲିବାକୁ ଥିବା ଏହି ଟୁର୍ଣ୍ଣାମେଣ୍ଟ ଅନ୍ଧାରୁଆ ଶବର ସାହି ଫୁଟବଲ ପଡିଆରେ ଆୟୋଜିତ ହେଉଛି। ଟୁର୍ଣ୍ଣାମେଣ୍ଟକୁ ପୂର୍ବତନ ଜଟଣୀ ବିଧାୟକ ସୁର ରାଉତରାୟ ଉଦଘାଟନ କରିଥିଲେ। ଟୁର୍ଣ୍ଣମେଣ୍ଟରେ ମୋଟ ୧୬ଟି ଦଳ ଅଂଶଗ୍ରହଣ କରୁଛନ୍ତି। ପ୍ରଥମ ଦିନର ଲିଗ୍ ମ୍ୟାଚରେ ଦଳୁଆ, ପାଣିଓଳା, କୁଜିମହଲ, ଗୁପ୍ତପଡ଼ା, କଣ୍ଟାବାଡ଼, ଗାଡ଼କଣ, ଦାସପୁର, କରଡ଼ାପଲ୍ଲିର ଟିମ୍ ଅଂଶଗ୍ରହଣ କରିଥିଲେ। ଏହି ଦଳଙ୍କ ମଧ୍ୟରୁ ଦାସପୁର ଓ କୁଜିମହଲ ଫୁଟବଲ ଟିମ୍ ସେମିଫାଇନାଲକୁ ଉନ୍ନିତ ହୋଇଛନ୍ତି। ମ୍ୟାଚକୁ ରେଫରି ଆନନ୍ଦ ନାୟକ, ମନୋରଂଜନ ଖୁଣ୍ଟିଆ ଓ ଦାସରଥି ଖୁଣ୍ଟିଆ ପରିଚାଳନା କରିଥିଲେ।
