‘ଆସନ୍ତାକାଲି ଧୁମଧାମରେ ପାଳନ ହେବ ବିଜେଡିର ୨୮ ତମ ପ୍ରତିଷ୍ଠା ଦିବସ’

ଭୁବନେଶ୍ୱର: ଆସନ୍ତାକାଲି ବିଜେଡିର ୨୮ ତମ ପ୍ରତିଷ୍ଠା ଦିବସ। ଏନେଇ ପ୍ରତିକ୍ରିୟା ରଖିଛନ୍ତି ବିଜେଡି ବିଧାୟକ ଅନନ୍ତ ନାରାୟଣ ଜେନା । ସେ କହିଛନ୍ତି , ଏହାକୁ ଧୁମଧାମରେ ପାଳନ କରାଯିବ । ଦଳର ସଭାପତି ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆସନ୍ତାକାଲି ଲୋକଙ୍କୁ ଉଦବୋଧନ ଦେବେ । ଏଥିପାଇଁ ସମସ୍ତେ ଉତ୍ସାହିତ ଅଛୁ ।  ଓଡ଼ିଶା ପାଇଁ ତାଙ୍କ ଅବଦାନ ଯାହା ରହିଛି, ଏହା ଇତିହାସରେ ଅବିସ୍ମରଣୀୟ । କାରଣ ନବୀନ ପଟ୍ଟନାୟକ ବିଜୁ ପଟ୍ଟନାୟକଙ୍କ ସ୍ୱପ୍ନକୁ ସାକାର କରିଛନ୍ତି । ଓଡ଼ିଶାକୁ ପୃଥିବୀରେ ପରିଚିତ କରିଛନ୍ତି । ଦେଶ ବିଦେଶରୁ ଓଡ଼ିଶାକୁ ଲୋକଙ୍କୁ ସୁଅ ଛୁଟୁଛି । ଶିକ୍ଷା, ସ୍ୱାସ୍ଥ୍ୟ, ବାଣିଜ୍ୟ ପରି କ୍ଷେତ୍ର ସହ ଜଳବାୟୁ ଉନ୍ନତିରେ ବି ତାଙ୍କ ଅବଦାନ ରହିଛି ବୋଲି ଅନନ୍ତ ନାରାୟଣ ଜେନା କହିଛନ୍ତି ।